పశ్చిమ దిశ గృహ వాస్తు వివరణ - పడమర దిక్కు ఫలితాలు

పశ్చిమ దిక్కును పడమర దిశ లేదా సూర్యాస్తమయ దిశ (అరుదుగా) అని కూడా అంటారు. దిక్సూచిలో పశ్చిమ దిశ 270° స్థానాన్ని సూచిస్తుంది. పశ్చిమ దిక్కు వాయువ్య మరియు నైరుతి దిశల మధ్య భాగంలో ఉంటుంది. పశ్చిమ దిశకు అధిపతి వరుణుడు కాగా, గ్రహాధిపతి శని మహాత్ముడు. సాధారణంగా పశ్చిమ భాగానికి సంబంధించిన ఫలితాలు ఇంటిలోని పురుషులపై ఎక్కువగా ప్రభావం చూపవచ్చును. వాస్తుశాస్త్ర రీత్యా పశ్చిమ దిశ గృహాన్ని నిర్మిస్తే కుటుంబ సభ్యులు ఆరోగ్యవంతులుగా, దృఢంగా, ఆర్థిక పరిపుష్టి కలిగి, మానసికంగా బలంగా ఉంటారు. అలాగే వీరు చేసే వృత్తి, ఉద్యోగం, వ్యాపారములలో స్థిరత్వాన్ని పొందవచ్చు. అంతేకాకుండా, అద్భుతమైన ప్రగతిని సాధించే అవకాశాలు ఉండవచ్చును. If you can read English, explore our comprehensive guide with illustrations on West Direction Vastu Shastra - Benefits, Rules, and Remedies.

గౌరవనీయ పాఠకులకు ఒక విజ్ఞప్తి. ఈ వెబ్‌సైట్‌లో మాకు తెలిసిన విషయాలు, అనుభవాలు మరియు పరిజ్ఞానాన్ని ప్రచురించాము. విషయాలను వివరించేప్పుడు కొన్ని అనుభవాలను దృష్టిలో ఉంచుకొని, అనుభవాల ద్వారా పొందిన పరిజ్ఞానాన్ని సమీకరించుకొని, కొన్ని పరిస్థితుల రీత్యా వాస్తు ప్రభావం గురించి మంచి లేదా చెడును తెలుపుతూ పరిజ్ఞానాన్ని పంచుకున్నాము. ప్రతి సందర్భంలోనూ యథాతథంగా ఇలాగే జరగాలనే నిబంధన లేదు. విషయ పరిజ్ఞానం మరియు అవగాహన కోసం మాత్రమే ఇక్కడ సమాచారమును ప్రచురించడం జరిగినది. అంతేకానీ ఈ పేజీలో లేదా ఈ వెబ్‌సైట్‌లో ప్రచురించిన సమాచారాన్ని ఆధారంగా చేసుకొని గృహస్తులు స్వతంత్రంగా ఏ నిర్ణయం తీసుకోరాదని మా ప్రత్యేక విజ్ఞప్తి.

పశ్చిమ ముఖద్వార గృహాన్ని ఎలా గుర్తించాలి?

పశ్చిమ ముఖద్వార గృహం అనగా ప్రధాన ప్రవేశ ద్వారం లేదా గృహం ఎదురుగా ఉన్న రహదారి పశ్చిమ దిశలో ఉన్న గృహాన్ని పశ్చిమ ముఖద్వార గృహం అని అంటారు. ఈ చిత్రంలోని గృహమునకు ఎడమవైపున ఒక రహదారి కలదు. దాని పైన “పశ్చిమ రహదారి” అని చూపించబడింది. అనగా ఈ గృహం పశ్చిమ వీధికి ఎదురుగా ఉన్నది. కావున ఈ గృహం పశ్చిమ వీధి గృహం లేదా పశ్చిమ దిశ గృహం అవుతుంది. అంతర్జాతీయ దిక్సూచి నియమాల ప్రకారం పైభాగం ఉత్తర దిశ, క్రింది భాగం దక్షిణ దిశ, ఎడమవైపు పశ్చిమ దిశ మరియు కుడివైపు తూర్పు దిశగా పరిగణించబడుతుంది. ఈ చిత్రంలో ఎడమవైపున పశ్చిమ దిశను చూపించడం జరిగినది. కావున ఇటువంటి గృహాన్ని పశ్చిమ ముఖద్వార గృహం, పశ్చిమ దిశ గృహం లేదా పశ్చిమ వీధి గృహం అని పిలుస్తారు.

పశ్చిమ దిశ గృహం కొంటే ఏమైనా సమస్యలు వస్తాయా?

1. వాస్తుశాస్త్ర రీత్యా పద్ధతిగా నిర్మించిన పశ్చిమ దిశ గృహాన్ని కొనుగోలు చేయడం వల్ల ఎటువంటి సమస్యలూ రావు. అయితే ఒక ముఖ్యమైన విషయాన్ని గమనించాలి. ఏ దిశలో ఉన్న గృహమైనా వాస్తు రీత్యా పద్ధతిగా నిర్మించబడినప్పుడు మంచి ఫలితాలను అందిస్తుంది. ఒకవేళ వాస్తుశాస్త్ర రీత్యా లోపాలు ఉన్నట్లయితే, ఏ దిశకు చెందిన గృహమైనా ఆశించిన శుభ ఫలితాలను అందించడం కష్టమవుతుంది.

2. కొందరి అభిప్రాయం ప్రకారం పశ్చిమ దిశ గృహాలు అంతగా యోగించవని, కలిసిరావని, మంచి ఫలితాలను ఇవ్వవని భావిస్తారు. అయితే ఈ అభిప్రాయం పూర్తిగా సరైనది కాదు. వాస్తుశాస్త్ర రీత్యా పద్ధతిగా నిర్మించిన పశ్చిమ దిశ గృహాలు అద్భుతమైన ఫలితాలను అందించగలవు. అయినప్పటికీ, కొన్ని అపోహల కారణంగా కొందరు పశ్చిమ దిశ గృహాలను కాదని, తూర్పు లేదా ఉత్తర దిశ గృహాలను కొనుగోలు చేయడానికి ఎక్కువ ఆసక్తి చూపుతారు.

3. కొన్ని సందర్భాలలో మాత్రమే పశ్చిమ దిశను సున్నితమైన దిశగా పరిగణించవచ్చు. కారణం ఏమిటంటే, వాస్తుశాస్త్ర రీత్యా చిన్న చిన్న లోపాలు ఉన్నప్పటికీ వాటి ప్రభావం కొంత మేరకు ప్రతికూలంగా కనిపించే అవకాశం ఉండవచ్చును. అందువల్ల కొందరు పశ్చిమ దిశ లేదా దక్షిణ దిశ గృహాలను కొనుగోలు చేయవద్దని సూచిస్తూ, కేవలం తూర్పు దిశ వాస్తు గృహాలు లేదా ఉత్తర దిశ వాస్తు గృహాలను మాత్రమే ఎంపిక చేసుకోవాలని చెబుతుంటారు.

4. ఒక్కసారి ఎలాంటి ఒత్తిడి లేకుండా ప్రశాంతమైన వాతావరణంలో కూర్చొని ఆలోచించండి. తూర్పు మరియు ఉత్తర దిశ గృహాలు మాత్రమే అత్యుత్తమమైనవని భావిస్తే, పశ్చిమ మరియు దక్షిణ దిశలలో ఉన్న లక్షలాది గృహాలు, వ్యాపార సంస్థలు మరియు కార్యాలయాలు అన్నీ నష్టాలపాలయ్యాయని చెప్పగలమా? వాస్తవానికి ఏ దిశ గృహమైనా వాస్తుశాస్త్ర రీత్యా సక్రమంగా ఉన్నప్పుడు శుభ ఫలితాలను అందించగలదు.

5. దయచేసి ఇక్కడ ఒక విషయాన్ని శ్రద్ధగా గమనించండి. వాస్తుశాస్త్ర రీత్యా "లోపాలు" ఉన్న ఏ దిశ గృహమైనా గృహస్థులకు ఆశించిన ఫలితాలను అందించడం కష్టమవుతుంది. అదే విధంగా, వాస్తుశాస్త్ర రీత్యా "సక్రమంగా" ఉన్న ఏ దిశ గృహమైనా గృహస్థులు తలపెట్టిన కార్యక్రమాలలో విజయాన్ని సాధించేందుకు తోడ్పడే అవకాశాలు అధికంగా ఉంటాయి. ఈ తెలుగు వాస్తు వెబ్‌సైట్ వ్యాసంలో ఈ విషయాలన్నింటినీ సాధ్యమైనంత వివరంగా తెలుసుకుందాము.

పశ్చిమ దిశ గృహం యొక్క లక్షణాలు ఎలా ఉంటాయి?

మాకు ఎప్పుడూ పశ్చిమ ముఖద్వారం గల గృహాలే ఎంతో అనుకూలంగా అనిపించాయి. అటువంటి గృహాలలో నివసించిన ప్రతిసారీ మా కుటుంబంలో ఆనందం, సంతోషం మరియు సౌఖ్యం నెలకొన్నాయి. ప్రస్తుతం మేము మరోసారి పశ్చిమ ముఖద్వారం గల గృహాన్ని కొనుగోలు చేయాలని ఆలోచిస్తున్నాము. దయచేసి పశ్చిమ ముఖద్వార గృహాల ప్రత్యేకతలు, వాటి ప్రయోజనాలు మరియు ముఖ్య లక్షణాల గురించి వివరించగలరా? - శేఖర్, కాలిఫోర్నియా.

1. సాధారణంగా పశ్చిమ దిశ గృహం యొక్క ముఖ్య లక్షణాలు ఈ విధంగా ఉంటాయి. పశ్చిమ దిశకు సంబంధించిన ఫలితాలు ఇంటిలోని పురుష సంతతిపై అధిక ప్రభావాన్ని చూపుతాయి. పశ్చిమ దిశ గృహము వాస్తుశాస్త్ర రీత్యా సక్రమంగా ఉన్నప్పుడు గృహంలోని పురుషులకు సమాజంలో గౌరవం, గుర్తింపు మరియు మర్యాదలు పెరుగుతాయి.

2. వాస్తుకు సరిగా ఉన్న పశ్చిమ దిశ గృహంలో నివసించే వారు చేపట్టిన కార్యక్రమాలలో విజయాన్ని సాధించేందుకు అనుకూల పరిస్థితులు ఏర్పడతాయి. అంతేకాకుండా సమాజంలో వీరి పలుకుబడి మరియు ప్రభావం కూడా పెరిగే అవకాశం ఉంటుంది.

3. వీరిలో నాయకత్వ లక్షణాలు కనిపించే అవకాశం ఉంటుంది. అందువల్ల రాజకీయ నాయకులు, ప్రజాప్రతినిధులు, అధికారులు లేదా సమాజంలో ప్రముఖ స్థానం కలిగిన వ్యక్తులతో పరిచయాలు ఏర్పడవచ్చు. కొందరు రాజకీయ, సామాజిక లేదా సేవా కార్యక్రమాలలో విశేష గుర్తింపును పొందవచ్చు.

4. ప్రజా జీవితంలో, రాజకీయ రంగంలో లేదా సామాజిక సేవా కార్యక్రమాలలో పాల్గొనే వారికి అనుచరుల మద్దతు మరియు ప్రజల ఆదరణ లభించే అవకాశాలు మెరుగుపడవచ్చు. వారు చేపట్టే కార్యక్రమాలు విజయవంతం కావడానికి అనుకూల పరిస్థితులు ఏర్పడవచ్చు.

5. కొందరు గృహస్తులు పశ్చిమ ముఖ గృహమని భావించి కొనుగోలు చేసిన తరువాత, అది పశ్చిమ నైరుతికి తిరిగిన గృహమని గుర్తించే పరిస్థితులు ఎదురుకావచ్చు. అలాంటి సందర్భాలలో కొన్నిసార్లు ప్రతికూల ఫలితాలు కనిపించే అవకాశం ఉంటుంది. అయితే ఈ నిబంధన ప్రతి దేశంలోని గృహాలకు వర్తించదు. ఉదాహరణకు ఉత్తర అమెరికా, బ్రిటన్, ఆస్ట్రేలియా, కెనడా తదితర దేశాలలో పరిస్థితులు భిన్నంగా ఉండవచ్చు.

6. అదేవిధంగా కొందరు గృహస్తులు పశ్చిమ దిశ గృహమని భావించి, పశ్చిమ వాయువ్యానికి తిరిగిన గృహాలను కొనుగోలు చేయవచ్చు. ఇంటి లోపలి వాస్తు బలంగా ఉన్నప్పుడు ఇబ్బందులు తక్కువగా ఉండవచ్చు. అయితే వాస్తు బలహీనంగా ఉన్న సందర్భాలలో అనేక సమస్యలు ఎదురయ్యే అవకాశాలు ఉండవచ్చు.

7. ముఖ్యంగా ప్రధాన ద్వారం పశ్చిమ దిశలో ఉన్నప్పుడు దాని స్థానం వాస్తుశాస్త్ర రీత్యా సక్రమంగా ఉంటే శక్తి, అవకాశాలు మరియు సంపద ప్రవాహానికి అనుకూల పరిస్థితులు ఏర్పడవచ్చు. చాలామంది అనుకున్నట్టుగా పశ్చిమ ద్వారం ఎల్లప్పుడూ అశుభ ఫలితాలను ఇస్తుందని భావించడం సరైనది కాదు. వాస్తుకు అనుగుణంగా ఏర్పాటు చేసిన పశ్చిమ ద్వారం శుభ ఫలితాలను అందించగలదు.

8. వీరు చేసే వృత్తి, ఉద్యోగం లేదా వ్యాపారంలో తమకంటూ ఒక ప్రత్యేక గుర్తింపును సంపాదించుకునే అవకాశాలు ఉంటాయి. ఇతరులతో పోలిస్తే సమాజంలో కొంత ప్రాముఖ్యత మరియు గౌరవాన్ని పొందగలరు.

9. ఈ గృహస్థులు సాధారణంగా పట్టుదల కలిగిన వారిగా కనిపించవచ్చు. ఒకసారి లక్ష్యాన్ని నిర్ణయించుకున్న తర్వాత దానిని సాధించే వరకు కృషి చేసే స్వభావం వీరిలో కనిపించవచ్చు. అయితే కొన్నిసార్లు అదే పట్టుదల మొండితనంగా లేదా ఆవేశంగా మారకుండా జాగ్రత్తపడటం మంచిది.

పశ్చిమ ముఖద్వార గృహం వల్ల ఎలాంటి శుభ ఫలితాలు కలుగుతాయి?

1. వాస్తుశాస్త్రం ప్రకారం పశ్చిమ ముఖద్వార గృహాలు అనేక ప్రయోజనాలను అందించగలవు. సంఖ్యల వారీగా జాబితా చేయబడిన కొన్ని ముఖ్యమైన శుభ ఫలితాలను ఇక్కడ తెలియజేయడమైనది. ముఖ్యంగా ప్రధాన ద్వారం పశ్చిమ దిశలోని అనుకూల స్థానంలో ఉన్నప్పుడు, అటువంటి గృహాలు నివాసులకు శ్రేయస్సు, అభివృద్ధి మరియు విజయాన్ని అందించగలవు. సాధారణంగా అమెరికా దేశంలోని అనేక రాష్ట్రాలలో పశ్చిమ ముఖద్వార గృహాలను నిర్మించినప్పుడు ఇంటి ముందు భాగంతో పోలిస్తే వెనుక భాగంలో ఎక్కువ ఖాళీ స్థలం లభించడం సాధారణంగా కనిపించే అంశం. పశ్చిమ ముఖద్వార గృహానికి వెనుక భాగం తూర్పు దిశలో ఉంటుంది. వాస్తుశాస్త్ర రీత్యా తూర్పు దిశలో ఎక్కువ ఖాళీ స్థలం ఉండటం అనుకూలంగా పరిగణించబడుతుంది. అందువల్ల అటువంటి గృహాలలో నివసించే వారికి అనేక సందర్భాలలో శుభ ఫలితాలు కలిగే అవకాశాలు అధికం.

అందుకే కాబోలు, అమెరికా, ఆస్ట్రేలియా, ఇంగ్లాండ్, కెనడా, న్యూజిలాండ్, తదితర దేశాలలోని పశ్చిమ ద్వారం గృహంలో నివసిస్తున్న గృహస్తులు “చాలా తక్కువ మంది” మాత్రమే తమకు సమస్యలు ఉన్నాయి అని తెలుపుతారు. అయితే ఈ విషయం తెలియని చాలా మంది గృహస్తులు కేవలం తూర్పు గృహం లేదా ఉత్తర గృహం మాత్రమే అద్భుతమైన ఫలితాలు ఇస్తాయని వాటికోసం తమ శక్తికి మించి ధనం పోసి గృహాలు కొంటూ ఉంటారు. తమ జీవితంలో అర్థ భాగం ఈ గృహానికి తీసుకున్న రుణం తీర్చడానికి సరిపోతుంది.

2. వాస్తు శాస్త్రం ప్రకారం నిర్మితమైన పశ్చిమ దిశ గృహాల శుభ లక్షణాలు చాలా ఉన్నాయి, అందులో మనం కొన్నింటి గురించి మాత్రమే చర్చించుకుందాము. నాయకులకు శుభ ఫలితాలు వచ్చే అవకాశం అధికం. సాధారణంగా, ఈ గృహాలు నాయకత్వ విషయాలలో నిమగ్నమైన వ్యక్తులకు ప్రత్యేకంగా ప్రయోజనకరంగా ఉండవచ్చును. నాయకులకు విజయం వరించే అవకాశం ఉన్నది. సామాజిక గౌరవం మరియు ప్రస్తుతం ఉన్న తమ స్థానము పెరుగవచ్చు. వాస్తు ఉన్నతమైన పశ్చిమ దిశ గృహాలు స్థిరత్వం మరియు వృద్ధికి ప్రతిరూపకంగా భావించవచ్చును.

3. పశ్చిమం వైపు ఉన్న ఇళ్లలో నివసించేవారు వారి సామాజిక స్థితి మరియు సమాజంలో గుర్తింపు విషయంలో మెరుగుదలని గమనించవచ్చు లేదా అన్నీ అనుకూలమై అనుభవించవచ్చు, మరియూ ఈ విషయంగా తమ ప్రయత్నాలను ముమ్మరం చేసినట్లయితే ఫలితాలు వారికి అనుకూలంగా వచ్చే అవకాశం ఉంది. కళాకారులకు మరియు సృజనాత్మక రంగాలలో పనిచేసేవారికి అనుకూలం ఉంటుంది మరియూ కొందరికి ఉత్సాహం ఉరకలు వెయ్యవచ్చు. అదే ఉత్సాహంతో వారి కార్యక్రమాలను విజయవంతం చేసుకోవచ్చును.

4. వాస్తు ప్రకారం, పడమర ముఖంగా ఉండే ఇంటిలో నివసించడం వల్ల నివాసితులకు మంచి ఆరోగ్యం, తేజము మరియు చైతన్యం లభించే అవకాశం ఉన్నది. అంతేకాకుండా ఈ దిశ గృహాలు నివాసితులకు యవ్వన శక్తిని, మరియు సృజనాత్మకతను మేల్కొల్పుతాయి. విద్యాభ్యాసం మరియు జ్ఞానం పెరుగుతాయి. ఈ గృహాలు విద్యార్థులకు చదువులో మెరుగుదలను కలిగిస్తాయి. ఈ గృహాలు పిల్లల పెరుగుదల మరియు అభివృద్ధికి దోహదపడతాయి.

5. కొన్ని గృహాలకు ఉపగృహాలను నిర్మించుకుంటారు. ఒకవేళ పశ్చిమ భాగంలో ఉన్న ఉపగృహం ఫ్లోరింగ్ లెవెల్, ఇంటి గర్భపు ఫ్లోరింగ్ లెవెల్ కంటే ఎత్తుగా (మెరకగా) ఉంటే, ఆ గృహస్థులకు కీర్తి, ప్రతిష్ఠలు కలిగే అవకాశాలు ఉంటాయి.

6. వ్యాపారవేత్తలకు, వ్యాపార విషయాలలో నిమగ్నమైన వ్యక్తులకు ప్రత్యేకంగా ప్రయోజనకరంగా ఉండవచ్చును. వ్యాపారవేత్తలు పశ్చిమ దిశ యొక్క శుభవాస్తు కారణంగా ఆర్థిక స్థిరత్వం మరియు సంపదలో స్థిరమైన వృద్ధిని అనుభవించవచ్చు. వాస్తు రీత్యా నిర్మితమైన పశ్చిమముఖం గల గృహాలు, గృహస్థులు చేస్తున్న వృత్తిలో సంపద, ప్రగతిని మరియు శ్రేయస్సును ఆకర్షిస్తాయి. సంపద వృద్ధి కానవస్తున్నది. వృత్తి పురోగతి మరియు ప్రొఫెషనల్ వృద్ధి కోరుకునే వారికి ఈ దిశ ఉపయుక్తం.

7. కుటుంబ సభ్యుల మధ్య సామరస్యం మరియు శాంతియుత వాతావరం నెలకొని కుటుంబ జీవితం సాఫీగా గడిచె అవకాశం వున్నది. కుటుంబంలో అనవసర విషయాలపై దెబ్బలాడుకునే అవకాశాలు బాగా తగ్గిపోతాయి, అంతేకాకుండా సామరస్య వాతావరణం పెరిగి కుటుంబ సభ్యుల మధ్యలో బాంధవ్యాలు ప్రేమ అభిమానాలు పెరగడానికి అవకాశం హెచ్చు. వాస్తు రీత్యా సరైన రీతిలో నిర్మించబడిన పశ్చిమముఖం గల గృహాలు సానుకూల శక్తి ప్రవాహాన్ని కలిగివుంటాయి. కావున కుటుంబీకులు ఆనందకరమైన జీవితం అనుభవించడానికి అవకాశం ఉన్నది.

8. పశ్చిమ భాగంలో మహా వృక్షాలను పెంచుకోవచ్చు. అక్కడ చెట్లు ఎంత ఎక్కువగా ఉంటే, అంత ఎక్కువగా శుభ ఫలితాలు కలిగే అవకాశాలు ఉంటాయి. అందువల్ల అవకాశం ఉన్న ప్రదేశాలలో వీలైనంత ఎక్కువగా మహా వృక్షాలను నాటుకోవాలని గృహస్థులకు సూచించబడుతుంది.

9. ఏ గృహానికైనా పరిసరాల ప్రభావం అత్యంత ముఖ్యమైనది. గృహంపై పరిసరాల వాస్తు ప్రభావం గణనీయంగా ఉంటుంది. అందువల్ల పరిసర వాస్తును పరిగణనలోకి తీసుకోకుండా, కేవలం గృహం లోపలి వాస్తును మాత్రమే పరిశీలించి లేదా మార్పులు చేసినట్లయితే ఆశించిన ఫలితాలు లభించకపోవచ్చు. ఉదాహరణకు, ఒక గృహానికి పశ్చిమ భాగంలో కొండ ఉన్నట్లయితే, వాస్తుశాస్త్ర రీత్యా ఆ గృహస్థులు ఆర్థికంగా పరిపుష్టి చెంది, ఆరోగ్యవంతులై, ఉన్నతమైన జీవనాన్ని అనుభవించే అవకాశాలు మెరుగుపడవచ్చు. అలాగే, ఒక స్థలాన్ని లేదా గృహాన్ని కొనుగోలు చేసే దశలోనే అనుభవజ్ఞుడైన వాస్తు నిపుణుడిని సంప్రదించడం ఉత్తమం. దీనివల్ల గృహస్థులు పరిసర వాస్తు, స్థల నిర్మాణం మరియు గృహంలోని వాస్తు అంశాలను సమగ్రంగా పరిశీలించి, సరైన నిర్ణయాలు తీసుకునే అవకాశం ఉంటుంది. ఫలితంగా వారి జీవన ప్రయాణం మరింత సాఫీగా, ప్రశాంతంగా మరియు అభివృద్ధి దిశగా సాగేందుకు అనుకూల పరిస్థితులు ఏర్పడవచ్చు.

10. పశ్చిమ భాగంలో ఉన్న ప్రహరీ గోడ తూర్పు భాగంలోని ప్రహరీ గోడ కంటే ఎత్తుగా ఉన్నట్లయితే, గృహంలోని అశుభ ప్రభావాలు తగ్గి, శుభ ఫలితాలు కలిగే అవకాశాలు మెరుగుపడవచ్చు.

11. గృహానికి పశ్చిమ భాగంలో బలమైన రాతితో అరుగులు నిర్మించినట్లయితే, ఆ గృహస్థులు కీర్తి, ప్రతిష్ఠలను పొంది, ఆర్థికంగా అభివృద్ధి చెంది, ఆరోగ్యవంతమైన జీవితాన్ని గడిపే అవకాశాలు మెరుగుపడవచ్చు.

12. ఎందరో వాస్తు నిపుణులు తమ జీవిత అనుభవాలను కాచి వడపోసి, వాస్తుశాస్త్రంలో అనేక విలువైన సూత్రాలను ప్రపంచానికి అందించారు. వాస్తు సూత్రాలకు అనుగుణంగా నిర్మించబడిన పశ్చిమాభిముఖ గృహాలు సానుకూల శక్తి ప్రసరణకు అనుకూలంగా ఉండి, శుభ ఫలితాలు కలిగే అవకాశాలను మెరుగుపరుస్తాయి. ఇటువంటి గృహాలు ప్రశాంతమైన, సామరస్యపూర్వకమైన మరియు సమతుల్యమైన జీవన వాతావరణాన్ని ఏర్పరచడంలో తోడ్పడవచ్చు. విద్యార్థులు, ఉపాధ్యాయులు, పరిశోధకులు మరియు పండితులకు విజ్ఞానం, ఏకాగ్రత, అభ్యాస సామర్థ్యాలను పెంపొందించేందుకు ఇవి అనుకూలంగా ఉండవచ్చు. అలాగే, వాస్తుశాస్త్ర రీత్యా అనుకూలంగా ఉన్న పశ్చిమ గృహాలు రాజకీయ నాయకులు, ప్రజాప్రతినిధులు మరియు వృత్తిపరంగా ఉన్నత స్థాయికి చేరుకోవాలనుకునే వ్యక్తులకు కూడా ప్రయోజనకరంగా ఉండే అవకాశాలు ఉన్నాయి. ఇలాంటి గృహాలు నివాసితుల ఆశయాలు, కృషి మరియు సామర్థ్యాలకు అనుకూలమైన వాతావరణాన్ని కల్పించి, వారి పురోగతికి తోడ్పడవచ్చు.

దయచేసి ఇక్కడ ఒక విషయాన్ని శ్రద్ధగా గమనించండి. గృహమునందలి వాస్తు బాగా ఉన్నా, “పరిసర వాస్తు” సరిగా లేకపోతే ఫలితాల విషయంలో చాలా మార్పులు వచ్చే అవకాశం ఉంది. సాధారణ గృహస్థులు “పరిసర వాస్తు” ప్రభావాలను అంత సులభంగా నిర్ణయించలేరు, బాగా అనుభవం కలిగిన వాస్తు నిపుణులు మాత్రమే తగిన సూచనలను ఇవ్వగలరు. కావున స్థలం కొనుబోయేముందు లేదా గృహం కొనుబోయేముందు ఒక మంచి వాస్తు నిపుణుని సంప్రదించండం వల్ల భవిష్యత్తులో గృహస్థులకే సర్వవిధాలా లాభం. 100 రూపాయలను జాగ్రత్తగా కాపాడుకోవాలంటే కొన్ని పైసల ఖర్చుకు వెనకాడరాదు. ఇస్తే వస్తుంది, ఈ చిన్న సూత్రం పాటించే గుజరాతీయులు అధిక ధనవంతులయ్యారు.

పశ్చిమ ముఖద్వార గృహం వల్ల కలిగే అశుభ ఫలితాలు ఏమిటి?

వాస్తుశాస్త్ర రీత్యా సక్రమంగా లేని పశ్చిమ ముఖద్వార గృహాల వల్ల ఎలాంటి ప్రతికూల ఫలితాలు కలుగుతాయి? వాటిని నివారించడానికి తగిన పరిహారాలు మరియు నివారణ ఉపాయాలు ఏమిటో వివరించగలరా? - నాగేంద్ర - మియామీ.

1. పశ్చిమ దిశ వాస్తు దోషాలు ఉన్నట్లయితే గృహస్థుల జీవనం మీద వ్యతిరేక ప్రభావం పడవచ్చు. అనగా చేసే ఉద్యోగం పోవడమో, లేక అనారోగ్యం పాలు కావడమో, లేదా భారీ ఎత్తున ఆర్థిక నష్టం కలగడమో జరిగే అవకాశం ఉండవచ్చును. కావున పశ్చిమ దిశ వాస్తు దోషములు లేకుండా చూసుకోవడం ముఖ్యం.

2. కొంతమంది కొన్ని రకాలుగా అనుకుంటూ ఉంటారు పశ్చిమ ముఖ ద్వార గృహానికి మాత్రమే పశ్చిమానికి సంబంధించిన సమస్యలు ఉంటాయి అని అనుకుంటూ ఉంటారు అయితే ఇది "పూర్తిగా అవాస్తవం". దయచేసి ఇక్కడ ఒక విషయాన్ని గమనించాలి, ఈ పశ్చిమ వాస్తు దోషాలనేవి, ఏ దిక్కు గృహములకైననూ ఉండవచ్చును, కేవలం పశ్చిమ దిశ గృహాలకు మాత్రమే పరిమితం అనుకోరాదు.

2a. ఉదాహరణకు, ఒక తూర్పు ముఖద్వార గృహానికి పశ్చిమ భాగంలో లోతైన నీటి ప్రవాహం ఉన్నట్లయితే, ఆ గృహస్థుల ఆర్థిక స్థితి దెబ్బతినడం, ఆరోగ్య సమస్యలు పెరగడం వంటి ప్రతికూల ఫలితాలు కలిగే అవకాశం ఉంటుంది. దీన్ని బట్టి మనం ఒక విషయాన్ని స్పష్టంగా అర్థం చేసుకోవాలి. పశ్చిమ దిశలో ఉన్న వాస్తు దోషాలు కేవలం పశ్చిమ ముఖద్వార గృహాలపై మాత్రమే ప్రభావం చూపుతాయని భావించడం సరైనది కాదు. ఏ దిశలో గృహాన్ని నిర్మించినప్పటికీ, పశ్చిమ భాగంలో వాస్తు దోషాలు ఉన్నట్లయితే వాటి ప్రభావం ఆ గృహస్థుల జీవితంపై తప్పకుండా కనిపించవచ్చు.

3. ఏ దిశ గృహమైనా, కొన్ని గృహాలు మంచి ఫలితాలను ఇస్తాయి, మరికొన్ని గృహాలు దారుణమైన ఫలితాలను ఇస్తాయి. ఎంతోమంది పశ్చిమ ముఖద్వార గృహాలు చాలా చెడు ఫలితాలను ఇస్తాయని భావించి, పశ్చిమ ముఖద్వార గృహాలను వదులుకొని ఇతర దిశల గృహాల కోసం వెతకడం మొదలుపెడతారు. అయితే, వాస్తుశాస్త్ర రీత్యా నిర్మితమైన పశ్చిమ ముఖద్వార గృహాలు మహద్భుతమైన ఫలితాలను గృహస్థులకు అందిస్తాయి. ప్రస్తుతం మనం వాస్తు దోషాలు కలిగిన పడమర ఇల్లు ద్వారా వచ్చే చెడు ఫలితాల గురించి తెలుసుకుంటున్నాము. గృహంలోని పశ్చిమ భాగంలో ఇంటి ఫ్లోర్ లెవెల్ పల్లముగా ఉన్నప్పుడు లేదా గుంట వలె తక్కువ ఎత్తులో ఉన్నప్పుడు, గృహస్థులు అనేక రకాల ఇబ్బందులకు గురయ్యే అవకాశాలు ఉంటాయి. ఇటువంటి పశ్చిమ భాగంలోని పల్లపు ప్రదేశం గృహస్థులను ఆర్థికంగా, ఆరోగ్యపరంగా దెబ్బతీసే అవకాశం ఉంది. అంతేకాకుండా వారి కీర్తి, ప్రతిష్ఠలు దెబ్బతినడంతో పాటు అనారోగ్య సమస్యలు ఎదురయ్యే అవకాశాలు కూడా అధికంగా ఉంటాయి.

4. పశ్చిమ ముఖద్వార గృహాలలో వర్షపు నీరు లేదా వాడుక నీరు పశ్చిమ భాగం గుండా బయటకు వెళ్లడం సాధారణంగా కనిపించే నిర్మాణ లక్షణం. ముఖ్యంగా ఈ నీరు పశ్చిమ వాయువ్య భాగం ద్వారా బయటకు వెళ్లినప్పుడు శుభ ఫలితాలు కలిగే అవకాశాలు మెరుగుపడవచ్చు. అయితే మధ్య పశ్చిమ భాగం ద్వారా నీరు బయటకు వెళితే గృహస్థులకు దీర్ఘకాలిక ఆరోగ్య సమస్యలు ఎదురయ్యే అవకాశం ఉంటుంది. అలాగే, పశ్చిమ నైరుతి భాగం ద్వారా నీరు బయటకు వెళ్లినట్లయితే గృహస్థులు అనేక ప్రతికూల పరిస్థితులు మరియు ఇబ్బందులను ఎదుర్కొనే అవకాశం ఉంటుంది.

5. పశ్చిమ ముఖద్వార గృహాలలో వర్షపు నీరు లేదా వాడుక నీరు పశ్చిమ భాగం గుండా బయటకు వెళ్లడం సాధారణంగా కనిపించే నిర్మాణ లక్షణం. ముఖ్యంగా ఈ నీరు పశ్చిమ వాయువ్య భాగం ద్వారా బయటకు వెళ్లినప్పుడు శుభ ఫలితాలు కలిగే అవకాశాలు మెరుగుపడవచ్చు. అయితే మధ్య పశ్చిమ భాగం ద్వారా నీరు బయటకు వెళితే గృహస్థులకు దీర్ఘకాలిక ఆరోగ్య సమస్యలు ఎదురయ్యే అవకాశం ఉంటుంది. అలాగే, పశ్చిమ నైరుతి భాగం ద్వారా నీరు బయటకు వెళ్లినట్లయితే గృహస్థులు అనేక ప్రతికూల పరిస్థితులు మరియు ఇబ్బందులను ఎదుర్కొనే అవకాశం ఉంటుంది.

6. పశ్చిమ భాగంలో ఉన్న ద్వారాలు నైరుతి దిశకు అభిముఖంగా ఉన్నట్లయితే (ద్వారాలు నైరుతి దిశను చూస్తున్నట్లయితే), ఆర్థిక నష్టాలు, అకాల మరణం, దీర్ఘకాలిక వ్యాధులు సంభవించే అవకాశాలు చాలా ఎక్కువగా ఉంటాయి.

7. పశ్చిమ భాగంలో ఉన్న ద్వారాలు వాయవ్య దిశకు అభిముఖంగా ఉన్నట్లయితే (ద్వారాలు వాయవ్య దిశను చూస్తున్నట్లయితే), శత్రువులు బలవంతులు కావడం, లేదా శత్రువులకు బాగా కలిసి రావడం, అనవసరమైన విషయాలలో తలదూర్చి అపఖ్యాతి పాలవడం, కోర్టు తగాదాలలో ఇరుక్కోవడం, అవసరం లేని వ్యవహారాలలో తల దూర్చడం, పెద్ద మనుషుల మధ్యలో అవమానాలు కావడం, ఆర్థిక నష్టాలు ఇత్యాది విషయాలు సంభవించే అవకాశం అధికం.

8. కొందరు గృహస్థులు తెలియక లేదా తెలిసియో కొన్ని పొరపాట్లు చేస్తుంటారు. పశ్చిమ ముఖద్వార గృహాన్ని నిర్మించుకున్న తర్వాత, ఇతరులు చెప్పారని లేదా తమ సొంత ఆలోచనలతో ఉత్తర భాగంలో ద్వారాలను ఏర్పాటు చేసుకుంటారు. కొత్తగా ఏర్పాటు చేసిన ఉత్తర ద్వారం ఉందని సంతోషిస్తూ, ఆనందంగా జీవితం గడుస్తుందని భావిస్తారు. అయితే, ఇది ఎంత ప్రమాదకరమైనదో వారికి తెలియదు. కొత్తగా ఏర్పాటు చేసుకున్న ద్వారం సరైన ఉత్తర భాగంలో ఉన్నట్లయితే ఇబ్బందులు ఉండకపోవచ్చు. కానీ అదే ద్వారం ఉత్తర వాయువ్య భాగంలో ఏర్పడినట్లయితే గృహస్థులు అనేక రకాల కష్టాలు, ఇబ్బందులను ఎదుర్కొనే అవకాశం ఉంటుంది. ఇతరులు చెప్పిన మాటలను విశ్వసించి, అసలు వాస్తు సూత్రాలను తెలుసుకోకుండా ఇటువంటి మార్పులు చేస్తుంటారు. ఉత్తర వాయువ్య భాగంలో ఏర్పాటు చేసిన ఈ కొత్త ద్వారం కొన్ని రోజుల తర్వాత తన ప్రభావాన్ని చూపించడం ప్రారంభిస్తుంది. బాగా చెడు ఫలితాలు ఎదురైన తర్వాత, ఉత్తమ పరిష్కారాలను అందించే వాస్తుశాస్త్రవేత్త కోసం వెతుకుతూ, తిరిగి తమ గృహానికి విపరీతమైన ఖర్చులు చేసుకోవాల్సి వస్తుంది. అందువల్ల ముందుగానే సరైన జాగ్రత్తలు తీసుకుంటే ఇటువంటి సమస్యలను చాలావరకు నివారించవచ్చు.

సమ్మేళన ఫలితాలు - Combination Effects

అతి త్వరలో "సమ్మేళన ఫలితాలు" (Combination Effects) ప్రచురించబడతాయి. ఒకే విధమైన నిర్మాణం కలిగిన గృహాల్లో కొందరు గృహస్థులు అద్భుతమైన ఫలితాలను అనుభవిస్తుండగా, మరికొందరికి ఆశించిన ఫలితాలు లభించకపోవడం ఎందుకు అనే అంశాన్ని లోతుగా పరిశీలించినప్పుడు అనేక ఆసక్తికరమైన విషయాలు వెలుగులోకి వచ్చాయి. వాటిలో కొన్ని ముఖ్యమైన అంశాలను మీ కోసం ఇక్కడ అందిస్తాము.

పశ్చిమ దిశలో ఏ గదులను నిర్మించుకోవాలి మరియు ఏమేమి ఉంచుకోవచ్చు?

పశ్చిమ దిశలో ఏ గదులను నిర్మించుకోవాలి మరియు ఏ వస్తువులు ఉంచుకోవాలి

సాధారణంగా, పశ్చిమ దిశలో ఈ క్రింద తెలిపిన గదులను ఏర్పాటు చేసుకోవచ్చు: బెడ్‌రూమ్, నిల్వ గది (స్టోర్‌రూమ్), ప్రవేశ మార్గం (ఎంట్రన్స్ డోర్), ఫోయర్, లివింగ్ రూమ్, పూజా గది, భోజనాల గది (డైనింగ్ రూమ్), చదువుకునే గది (స్టడీ రూమ్), సమావేశాల గది (కాన్ఫరెన్స్ రూమ్), కుటుంబ గది (ఫ్యామిలీ రూమ్), గృహ కార్యాలయ గది (హోమ్ ఆఫీస్ రూమ్), అతిథుల వేచి చూడు గది (గెస్ట్స్ వెయిటింగ్ రూమ్), తాగునీటి గది, గ్రంథాలయం, ప్రదర్శన కేసులు (షోకేస్), మగపిల్లల బెడ్‌రూమ్, సమావేశ హాల్ (మీటింగ్ హాల్), ఇంటిపైన ఉండే నీటి ట్యాంకులు (ఓవర్ హెడ్ వాటర్ ట్యాంక్), మెట్లు (సోపానాలు, స్టైర్‌కేస్), వాహనాలు మొదలైనవి అనుకూలంగా ఉంటాయి. అలాగే భారీ వృక్షాలు, వృక్షాలు, బరువైన పూల కుండీలు, పూల మొక్కల కుండీలు కూడా ఈ దిశలో ఉంచవచ్చు. కొన్ని పరిస్థితులలో వంటగదిని కూడా ఏర్పాటు చేయవచ్చు. అదనంగా, కొన్ని ప్రత్యేక షరతులపై శౌచాలయాలు మరియు స్నానాల గదులు కూడా నిర్మించుకోవచ్చు.

ఈశాన్యం పెరిగిన మూడు రకాల స్థలాలు

ఈ క్రింద మూడు చిత్రాలను అందించడం జరిగింది. ఈ మూడు చిత్రాలు ఒకేలా కనిపించినప్పటికీ, ప్రతి చిత్రంలో స్వల్పమైన వ్యత్యాసం ఉంటుంది. అందువల్ల వాటిని ఒకటికి రెండుసార్లు చాలా జాగ్రత్తగా పరిశీలించినప్పుడు మాత్రమే ఆ మార్పులను స్పష్టంగా గుర్తించగలరు. మొదటి చిత్రంలో ఉత్తర ఈశాన్య భాగం పెరిగి ఉంటుంది, రెండవ చిత్రంలో తూర్పు ఈశాన్య భాగం పెరిగి ఉంటుంది, మూడవ చిత్రంలో పూర్తిగా ఈశాన్య భాగం పెరిగి ఉంటుంది.

ఉత్తర ఈశాన్యం పెంపు కలిగిన పశ్చిమ దిశ గృహాలు మంచి ఫలితాలను ఇస్తాయా?

ఈ చిత్రంలో ఉత్తర ఈశాన్య భాగం పెరిగి ఉన్నట్లు స్పష్టంగా చూడవచ్చు. మీ అవగాహన కోసం మరో ముఖ్యమైన విషయాన్ని తెలియజేస్తున్నాము. ఈ గృహం యొక్క ప్రహరీ గోడ నాలుగు మూలలను జాగ్రత్తగా పరిశీలించినట్లయితే, ఉత్తర ఈశాన్య భాగం పెరిగి ఉన్నట్లు మరింత స్పష్టంగా అర్థమవుతుంది. సాధారణంగా ఉత్తర ఈశాన్యం పెంపుకలిగిన గృహాలు మంచి ఫలితాలను గృహస్థులకు అందిస్తాయి. ఒకవేళ పశ్చిమ దిశ గృహానికి ఉత్తర ఈశాన్యం పెంపు ఉన్నట్లయితే ఆ గృహం, గృహస్థులకు ఎన్నో విషయాలలో అనుకూలమై, ఉత్తమ ఫలితాలను ఇవ్వగలదు, ఉత్తర ఈశాన్యం పెంపు వల్ల గృహస్థులకు అధిక ఆదాయం లభించవచ్చు, మంచి ఆరోగ్యం, భాగ్యం, భోగం, భవిష్యత్తు బంగారుమయం, బ్రతుకు, భవితవ్యం భద్రం, ఆనందకరమైన జీవితము లభించే అవకాశాలు చాలా ఎక్కువగా ఉన్నాయి.

2. వీరు చేసే వ్యాపారం లాభాలలో నడవడమే కాకుండా, రెండవ వ్యాపారం కూడా ప్రారంభించే అవకాశం వుంది. వ్యాపారం లాభసాటిగా ఉండవచ్చును. ఒక విషయం గుర్తుంచుకోండి, ఇంటి వాస్తు బాగున్నపుడే ఇవి సాధ్యం కావచ్చును. పెరిగిన ఉత్తర ఈశాన్యం ఆర్థికంగా అభివృద్ధి చెందడానికి మంచి అవకాశాలను కల్పించవచ్చు. అయితే, దీనితో పాటు ఇంటి వాస్తు కూడా సక్రమంగా ఉండాలి. ఇంటి వాస్తులో ఇతర దోషాలు ఉన్నట్లయితే, ఈ ఫలితాలలో గణనీయమైన మార్పులు సంభవించే అవకాశం ఉంటుంది.

3. ఇక్కడ మరో ముఖ్యమైన విషయాన్ని గమనించాలి. ప్రహరీ గోడ ఉన్న స్థలాలకు ఒక విధమైన వాస్తు ఫలితాలు వస్తాయి. అదే ప్రహరీ గోడ లేని స్థలాలకు భిన్నమైన ఫలితాలు కలుగుతాయి. కాబట్టి ప్రహరీ గోడ ఉన్నదా లేదా అనే అంశాన్ని బట్టి వాస్తు ఫలితాల్లో గణనీయమైన మార్పులు చోటుచేసుకునే అవకాశం ఉంటుంది.

తూర్పు ఈశాన్యం పెరిగిన పశ్చిమ దిశ గృహాలను కొనవచ్చునా?

తూర్పు ఈశాన్యం పెరిగిన పశ్చిమ దిశ గృహాలు మంచివి

ఈ చిత్రాన్ని పరిశీలించినప్పుడు తూర్పు ఈశాన్య భాగం పెరిగి ఉన్నట్లు స్పష్టంగా కనిపిస్తుంది. మీకు సులభంగా అర్థమయ్యే విధంగా మరో ముఖ్యమైన విషయాన్ని తెలియజేస్తున్నాము. ఈ గృహం యొక్క ప్రహరీ గోడ నాలుగు మూలలను జాగ్రత్తగా గమనిస్తే, తూర్పు ఈశాన్య భాగం ఇతర దిశలతో పోలిస్తే విస్తరించి ఉన్నట్లు మరింత స్పష్టంగా గుర్తించవచ్చు. గృహానికి తూర్పు ఈశాన్య దిశలో స్థలం వృద్ధి చెందితే సాధారణంగా గృహస్థులకు శుభ ఫలితాలు లభిస్తాయి. పశ్చిమ దిశ గృహానికి తూర్పు ఈశాన్యం పెంపు ఉన్నట్లయితే ఆ గృహం, గృహస్థులకు ఎన్నో విషయాలలో అనుకూలమై, ఉత్తమ ఫలితాలను ఇవ్వగలదు. మగ సంతానం కలిగే అవకాశం అధికంగా ఉంటుంది.

2. ఉదాహరణకు : తూర్పు ఈశాన్యం పెంపు వల్ల గృహస్థులకు మంచి పేరు రావడం, వారి ప్రతిష్ట పెరగడం, విదేశీయానం, పిల్లలకు మంచి విద్య రావడం జరగవచ్చును. నివాసితులు చేసే వ్యాపారాలలో అధిక ఆదాయం లభించవచ్చు, కుటుంబ సభ్యులమధ్య సఖ్యత, ఆనందకరమైన జీవితం, ఇల్లు స్నేహితులు మరియూ బంధువులతో కళ కళ లాడటం, దానధర్మం, సేవాగుణం, అయ్యోపాపం అనడం, ఇతరులకు సేవ చేసే గుణం ఉండడం, ఇతరత్రా లక్షణాలు కలిగివుండవచ్చును.

3. ఒక విషయం గుర్తుంచుకోండి, ఇంటి వాస్తు బాగున్నపుడే ఇవి సాధ్యం కావచ్చును. ఈ గృహానికి ప్రహరీ ఉంటే ఒక ఫలితం, ప్రహరీ లేకపోతే ఇంకో ఫలితం వచ్చే అవకాశం ఎక్కువగా ఉంది.

4. దయచేసి ఇక్కడ ఒక విషయాన్ని శ్రద్ధగా గమనించండి. గృహమునందలి వాస్తు బాగా ఉన్నా, “పరిసర వాస్తు” సరిగా లేకపోతే ఫలితాల విషయంలో కొన్ని మార్పులు రావచ్చును. సాధారణ గృహస్థులు పరిసర వాస్తు ప్రభావాలను అంత సులభంగా గమనించి నిర్ణయించలేరు, బాగా అనుభవం కలిగిన వాస్తు శాస్త్రవేత్తలు మాత్రమే తగిన సూచనలను ఇవ్వగలరు. కావున స్థలం కొనుగోయేముందు లేదా గృహం కొనుగోయేముందు ఒక మంచి వాస్తు నిపుణుడి ని సంప్రదించి జీవితాన్ని అమృతమయం చేసుకోండి.

పశ్చిమ ద్వారం గృహానికి ప్రహరీలో ఈశాన్యం పెరిగితే మంచి ఫలితాలు వస్తాయా?

ఈశాన్యం పెరిగిన పశ్చిమ దిశ గృహాలు మంచివి

తెలిసో తెలియకనో జీవితంలో మనం చేసిన కొన్ని పుణ్య కార్యక్రమాల, కర్మ ఫలితాల వల్ల ఒక్కొక్కసారి మనకు తెలియకనే కొన్ని శుభ పరిణామాలు సంభవించే అవకాశాలు ఉంటాయి. ఎప్పుడైనా సరే మీరు ఉన్న స్థలానికి ఈశాన్యం పెరిగినా, లేక ఈశాన్యం పెంచుకునే అవకాశం వచ్చింది అంటే జీవితంలో గృహస్థులకు యోగం మొదలవుతోందని తెలుసుకోవాలి. జీవితంలో అరుదుగా ఇటువంటి అవకాశాలు వస్తుంటాయి. ఇటువంటి అవకాశాలను ఏనాటికీ వదులుకోవద్దు. ఈ చిత్రంలో చూపినట్టుగా పశ్చిమ గృహనికి ఈశాన్యం పెరిగినప్పుడు (ఈ చిత్రంలోని గృహానికి ఉత్తర ఈశాన్య భాగం మరియు తూర్పు ఈశాన్య భాగం రెండూ పెరిగి ఉన్నట్లు స్పష్టంగా గమనించవచ్చు.) , గృహస్థులకు యోగం మొదలైందని అర్థం చేసుకోవాలి. ఒకవేళ ఉంటున్న గృహానికి ఈశాన్యం పెరిగినా లేక పెరిగిన ఈశాన్యం యొక్క స్థలాన్ని కొనుగోలు చేసినా భవిష్యత్తులో ఆ గృహస్తులు చాలా ప్రశాంతకరమైన జీవితాన్ని అనుభవించే అవకాశం అధికము.

2. ఏప్పుడైనా సరే మీ జీవితంలో పెరిగిన ఈశాన్యం స్థలాలు లభిస్తే కాస్త ధర అధికమైనా ఒక అనుభవజ్ఞుడైన వాస్తు శాస్త్రవేత్తచే పరిశీలన కావించుకొని ఆ స్థలము లేదా గృహాన్ని కొనండి.

3. ఇంతకుముందు మనం చెప్పుకున్నట్టుగానే గృహానికి ప్రహరీ ఉంటే ఒక ఫలితం ఒకవేళ ప్రహరీ లేకపోతే ఇంకో ఫలితం వస్తాయి. ఇటువంటి ఈశాన్యం పెరిగిన స్థలాలకు ప్రహరీ ఉంటే శుభ ఫలితాల ప్రభావము ఇంకొంచెం ఎక్కువగా ఉంటుంది. కొందరు గృహస్తులు ఒక్కోసారి ఇలా చెబుతూ ఉంటారు మా ఇంటికి ఈశాన్యం బాగా పెరిగింది అయితే మాకు ఏ ఫలితాలు రావడం లేదని, ఒకవేళ “ప్రహరీ లేని పరిస్థితులలో ఈశాన్యం పెరిగినా” కూడా శుభ ఫలితాలు రాకపోవచ్చు.

4. ఈత రావాలంటే సాధన చెయ్యాలి, అంతే కానీ, “నీటి కొలనులో ఈత ఎలా కొట్టాలి” అనే 2 లేదా 3 పుస్తకాలు చదివితే నీటిలో ఈత కొట్టటం రాదు, “ము ని గి పో తా రు” (ఇక్కడ సాధన ముఖ్యం). వాస్తు పుస్తకాలు చదివి నిర్ణయాలు తీసుకున్నా “ము ని గి పో వ చ్చు” (ఇక్కడ అనుభవం ముఖ్యం). ఈశాన్యం పెరిగిందా చాలు అనుకుంటే కుదరదు, మిగిలిన ఎన్నో విషయాలను గమనించి మాత్రమే ఒక నిర్ణయానికి రావాలి. ఇక్కడ ఈశాన్యం అనునది బండి చక్రమైతే ప్రహరీ అన్నది ఇరుసుగా భావించాలి, బండి చక్రం ఎంత ముఖ్యమో ఇరుసు కూడా అంతే ముఖ్యం కదా.

5. ఏది ఏమైనా మనకు తెలిసిన వాస్తు జ్ఞానం చాలా గొప్పగా ఉన్నా కూడా వాస్తు విషయానికి వచ్చినప్పుడు నిపుణుల మాట వినడం మనకు భవిష్యత్తులో మంచి చేస్తుందని గుర్తుపెట్టుకుంటే ఆ గృహస్థులకు యోగం ఉన్నట్టే అని అనుకోవచ్చు. ఎప్పుడైతే గృహస్తులు పుస్తకాలు చదివి లేక వీడియోలు చూసి నిర్ణయాలు తీసుకుంటున్నారంటే భవిష్యత్తులో వారికి వచ్చే అద్భుతమైన జీవితాన్ని కాలదన్నుకుంటున్నారని తెలుసుకోవచ్చు.

ఉత్తర ఈశాన్యం పెరిగిన పశ్చిమ ముఖద్వార గృహాన్ని కొనుగోలు చేయవచ్చా?

ఉత్తర ఈశాన్యం పెరిగిన పశ్చిమ ముఖద్వార గృహం

ఈ చిత్రంలో పశ్చిమ ముఖద్వార గృహానికి ఉత్తర ఈశాన్య భాగం పెరిగి ఉన్న విధానాన్ని స్పష్టంగా గమనించవచ్చు. సాధారణంగా ప్రహరీ గోడ ఉన్న పశ్చిమ ముఖద్వార గృహానికి ఉత్తర ఈశాన్య భాగం పెరిగి ఉన్నట్లయితే, వాస్తుశాస్త్ర రీత్యా శుభ ఫలితాలు కలిగే అవకాశాలు మెరుగుపడవచ్చు. ముఖ్యంగా ఆర్థికాభివృద్ధి, కొత్త వ్యాపార అవకాశాలు, ధన నిల్వ పెరగడం, కుటుంబంలో సంతోషకరమైన వాతావరణం ఏర్పడడం వంటి ఫలితాలు కనిపించవచ్చు. అలాగే కొంతమందిలో మితవ్యయ ధోరణి, పొదుపు స్వభావం మరియు ఖర్చు విషయంలో జాగ్రత్తగా వ్యవహరించే అలవాటు కూడా కనిపించే అవకాశం ఉంటుంది.

2. అది దాదాపు 1996వ సంవత్సరం. ఆంధ్రప్రదేశ్ రాష్ట్రంలోని కాకినాడ పట్టణం లో "సుబ్బయ్య గారి హోటల్" అనే ప్రసిద్ధ భోజనశాలలో ఒక రోజు మధ్యాహ్నం భోజనం చేస్తుండగా, మా పక్కనే ఉన్న టేబుల్ వద్ద కొందరు వ్యక్తులు పదేపదే "కంగ్రాట్యులేషన్స్... కంగ్రాట్యులేషన్స్..." అంటూ తమ ఎదురుగా కూర్చున్న వ్యక్తిని అభినందిస్తూ కనిపించారు.

ఏం జరిగిందో తెలియకపోయినా, కాసేపటి తర్వాత మేము కూడా ఆయనకు "కంగ్రాట్యులేషన్స్" చెప్పాము. అనంతరం పరిచయం అయిన తర్వాత అసలు విషయం తెలిసింది. ఆయనకు డిప్యూటీ ఇంజనీర్ (Deputy Engineer) పదవి నుంచి ఎగ్జిక్యూటివ్ ఇంజనీర్ (Executive Engineer) పదవికి పదోన్నతి లభించింది.

వాస్తు శాస్త్రం పై ఆయనకు ఉన్న గౌరవం మరియు విశ్వాసం కారణంగా, తన నివాస గృహానికి మమ్మల్ని ఆహ్వానించారు. సంభాషణలో ఆయన 1993వ సంవత్సరంలో ఆ ఇంటిలో అద్దెకు చేరానని, అయితే 1994 సంవత్సరం చివరి నుంచి తన జీవితంలో అద్భుతమైన మార్పులు ప్రారంభమయ్యాయని వివరించారు. ఉద్యోగంలో వరుస విజయాలు సాధించడం, తన భార్య పుట్టింటి నుంచి ఆస్తులు కలిసివచ్చాయని, ఆర్థికాభివృద్ధి కలగడంతో పాటు కుటుంబంలో ఆనందకరమైన పరిస్థితులు ఏర్పడ్డాయని కూడా తెలిపారు.

ఈ చిత్రంలో కనిపిస్తున్నట్లుగా ఉత్తర ఈశాన్య భాగం పెరగడం గురించి మేము ప్రశ్నించగా, తాను అద్దెకు ఉంటున్న ఇంటి యజమాని 1994 జూలై నెలలో పక్కనే ఉన్న స్థలాన్ని కొనుగోలు చేసి, ఆ ఇంటికి ఉత్తర ఈశాన్య భాగం పెరిగే విధంగా కలిపినట్లు తెలిసింది.

ప్రస్తుతం తన జీవితంలో కనిపిస్తున్న శుభఫలితాలను చూసి, ఆ ఇంటిని తనకే విక్రయించాలని ఇంటి యజమానిని అనేకసార్లు అభ్యర్థించానని ఆయన తెలిపారు. అయితే ఇంటి యజమాని అందుకు అంగీకరించలేదని, ఇంటి యజమాని 1996 సంవత్సరం చివర్లో ఆ ఇంటిలో గృహప్రవేశం చేయాలని నిర్ణయించుకున్నట్లు తెలియజేశారని వివరించారు.

గృహం యొక్క ప్రహరీలో ఉత్తర ఈశాన్య భాగం పెరిగి ఉన్నట్లయితే సాధారణంగా శుభ ఫలితాలు కలిగే అవకాశాలు మెరుగుపడవచ్చు. అంతేకాకుండా, గృహం లోపలి వాస్తు కూడా వాస్తుశాస్త్ర రీత్యా సక్రమంగా ఉన్నట్లయితే గృహస్థులు అద్భుతమైన ఫలితాలను పొందే అవకాశాలు మరింత పెరుగుతాయి.

తూర్పు ఈశాన్యం పెరిగిన పశ్చిమ ముఖద్వార గృహాన్ని కొనుగోలు చేయవచ్చా?

తూర్పు ఈశాన్యం పెరిగిన పశ్చిమ ముఖద్వార గృహం

ఈ చిత్రంలో పశ్చిమ ముఖద్వార గృహానికి తూర్పు ఈశాన్య భాగం పెరిగి ఉన్న విధానాన్ని స్పష్టంగా గమనించవచ్చు. కొన్నిసార్లు ఇటువంటి గృహాలను చూసినప్పుడు, "ఆయనకేమి, ఏది పట్టుకున్నా బంగారమే అవుతుంది" అని అదృష్టవంతుల గురించి పెద్దలు చెప్పే సామెత గుర్తుకు వస్తుంది. సాధారణంగా ప్రహరీ గోడ ఉన్న పశ్చిమ ముఖద్వార గృహానికి తూర్పు ఈశాన్య భాగం పెరిగి ఉన్నట్లయితే, వాస్తుశాస్త్ర రీత్యా శుభ ఫలితాలు కలిగే అవకాశాలు మెరుగుపడవచ్చు. ముఖ్యంగా ఆర్థికాభివృద్ధి, విద్యా ప్రగతి, కొత్త అవకాశాలు లభించడం, కుటుంబంలో సంతోషకరమైన వాతావరణం నెలకొనడం మరియు గృహస్థులు తలపెట్టిన కార్యక్రమాలలో విజయాన్ని సాధించే అవకాశాలు పెరగవచ్చు. అలాగే గృహస్థులలో దూరదృష్టి, ప్రణాళికాబద్ధమైన ఆలోచనా విధానం ఉంటుంది.

2. ఇటువంటి గృహాలలో నివసించే గృహస్థులకు సాధారణంగా దయ, క్షమాగుణం కొంత ఎక్కువగా ఉండే అవకాశం ఉంటుంది. గృహస్థులకు దానధర్మాలు చేసే స్వభావం ఉండే అవకాశం కనిపిస్తుంది.

3. మధ్యప్రదేశ్‌ లోని ఒక పట్టణంలో షరీఫ్ అనే వ్యక్తి బీడీల వ్యాపారం చేసేవారు. ఆయన ప్రహరీ గోడ లేని పశ్చిమ ముఖద్వార గృహంలో నివసించేవారు. స్థలం సరిపోక, మరో పెద్ద గృహానికి మారాలని ఆలోచించారు. అదే సమయంలో వారి ఇంటి వెనుక భాగంలో నివసిస్తున్న కుటుంబానికి అత్యవసరంగా డబ్బు అవసరం ఏర్పడింది. దీంతో వారు తమ ఇంటిలోని ఒక భాగాన్ని షరీఫ్ గారికి విక్రయించారు.

4. ఆ భాగాన్ని తన గృహానికి కలుపుకున్న తర్వాత అనతికాలంలోనే ఆయన చేసే వ్యాపారం అనూహ్యంగా అభివృద్ధి చెందింది. కొద్దికాలంలోనే ఆయన వ్యాపారంలో అత్యున్నత స్థాయికి చేరుకున్నారు. ఆయన గృహానికి కొత్తగా కలిసిన గది తూర్పు ఈశాన్య దిశలో ఉండటం గమనార్హం.

5. ఆశ్చర్యకరమైన విషయం ఏమిటంటే, షరీఫ్ గారికి వాస్తుశాస్త్రం గురించి ఎలాంటి అవగాహన లేదు. అవసరార్థమే ఆ భాగాన్ని కొనుగోలు చేసి తన గృహానికి కలుపుకున్నారు. కానీ కొన్ని సందర్భాల్లో అదృష్టం ఏ రూపంలో, ఎప్పుడు, ఎవరిని, ఎలా వరిస్తుందో ముందుగానే చెప్పడం కష్టం. కొన్ని వ్యక్తిగత కారణాల వల్ల వీరి పూర్తి వివరాలను ఇక్కడ వెల్లడించడం సాధ్యం కావడం లేదు.

ఈశాన్యం పెరిగిన పడమర గృహాన్ని కొనుగోలు చేయవచ్చా?

ఈ చిత్రంలోని గృహానికి ప్రహరీలో ఈశాన్య భాగం పెరిగి ఉన్నట్లు స్పష్టంగా గమనించవచ్చు. సాధారణంగా ఇటువంటి గృహాలు వాస్తుశాస్త్ర రీత్యా గృహస్థులకు శుభ ఫలితాలను అందించే అవకాశాలు మెరుగుపడవచ్చు. ముఖ్యంగా కుటుంబంలో శాంతియుతమైన వాతావరణం నెలకొనడం, తృప్తికరమైన జీవనాన్ని అనుభవించడం, పిల్లలు విద్యారంగంలో మంచి పురోగతి సాధించడం, సమాజంలో గౌరవం మరియు మంచి పేరు ప్రతిష్ఠలు లభించడం, అలాగే ఆరోగ్యపరంగా అనుకూల పరిస్థితులు ఏర్పడడం వంటి ఫలితాలు కనిపించే అవకాశం ఉంటుంది.

2. 1997వ సంవత్సరంలో గోవా కు వెళ్లిన సందర్భంలో, ఒక గృహ యజమాని తనకు వాస్తు పరిశీలన చేయడానికి కేవలం ఆదివారం మాత్రమే రావాలని కోరడంతో, శనివారమే గోవాకు చేరుకోవడం జరిగింది. ఆ రోజు విపరీతమైన వర్షం కురవడంతో హోటల్‌లోనే ఉండాల్సి వచ్చింది. పనిలేకపోవడంతో హోటల్ రిసెప్షన్ వద్ద హోటల్ యజమానితో వివిధ విషయాలపై మాట్లాడుతుండగా, ఆయన ఒక స్థలానికి "ఐ" మూల ఉన్నప్పుడు అటువంటి స్థలాలను కొనకూడదా అని ప్రశ్నించారు.

దానికి సమాధానంగా, కేవలం "ఐ" మూల ఉందనే కారణంతో నిర్ణయం తీసుకోవడం సరైన పద్ధతి కాదని, ఆ "ఐ" మూల ఏ దిశలో ఉందో, ఏ మూలలో ఏర్పడిందో పరిశీలించిన తర్వాత మాత్రమే కొనుగోలు విషయంలో నిర్ణయం తీసుకోవాలని వివరించడం జరిగింది.

సాయంత్రం నాలుగున్నర గంటల తర్వాత వర్షం తగ్గడంతో, హోటల్ యజమాని తన మిత్రుని ఇంటికి తీసుకెళ్లారు. మార్గమధ్యంలో ఆయన మాట్లాడుతూ, ఆ స్థలాన్ని మొదట తానే కొనుగోలు చేయాలని భావించానని, అయితే ఒక వాస్తు గురించి తెలిసిన వ్యక్తి "ఐ" మూల ఉన్న స్థలాన్ని కొనకూడదని చెప్పడంతో ఆ ఆలోచనను విరమించుకున్నానని తెలిపారు. అనంతరం ఆ స్థలాన్ని తన మిత్రుడు కొనుగోలు చేశాడని, కొనుగోలు చేసిన తర్వాత అతని జీవితంలో విశేషమైన అభివృద్ధి చోటుచేసుకుందని వివరించారు. ఆ గృహాన్ని పరిశీలించినప్పుడు, ఈ చిత్రంలో చూపిన విధంగానే ఆ గృహానికి ఈశాన్య భాగం పెరిగి (ఈశాన్య విస్తరణ) ఉంది.

ఈశాన్యం తెంపు కలిగిన పశ్చిమ దిశ గృహాన్ని కొనవచ్చా?

ఈశాన్యం తెంపు కలిగిన పశ్చిమ ముఖద్వార గృహం

ఇది పశ్చిమ ముఖద్వార గృహము. ఈ గృహమునకు ప్రహరీలో ఈశాన్య తెంపు కలదు, అనగా ఈశాన్య భాగము కోతకు గురైనది. సాధారణంగా ఈశాన్య భాగము ఈ విధంగా తెంపుకు గురైనప్పుడు గృహస్తులు కోరుకున్న అభివృద్ధిని పొందడం కష్టమవుతుంది. అనేక విషయాలలో వీరు ఇతరుల కంటే వెనుకబడే అవకాశం ఉంటుంది. ప్రత్యేకంగా పిల్లల విద్యాభ్యాసంలో ఆటంకాలు కలిగే సూచనలు ఎక్కువగా కనిపిస్తాయి. ఇటువంటి గృహాలలో నివసించే పిల్లలు చెడు వ్యసనాలకు లోనయ్యే "అవకాశమూ" ఉంటుంది. పిల్లల అభివృద్ధిలో ఆటంకాలు ఏర్పడవచ్చు. అంతేకాకుండా ఇతర సమస్యలు కూడా బలంగా ఉంటాయి. భారతదేశంలో ప్రస్తుతం చాలా మందికి వాస్తు గురించి అవగాహన పెరిగిన కారణంగా, ఇటువంటి గృహాలను సులభంగా కొనుగోలు చేయడానికి ముందుకు రారు.

2. ప్రస్తుతం మన భారతీయులు ముఖ్యంగా విదేశాలలో నివసిస్తున్న భారతీయులు ఏ గృహాన్ని కొనాలనుకున్నా కూడా ఎటువంటి పరిస్థితుల్లోనూ రాజీ పడకుండా ఒక అనుభవజ్ఞుడైన వాస్తు శాస్త్రవేత్తను సంప్రదించి, గృహానికి సంబంధించిన ప్రతి అంశాన్ని సంపూర్ణంగా పరిశీలించిన తరువాత మాత్రమే తగిన నిర్ణయం తీసుకోవడం మంచిదిగా భావిస్తారు. అయితే కొందరు గృహస్తులు ఇటువంటి విషయాలలో జాగ్రత్తలు పాటించక పొరపాట్లు చేస్తుంటారు. అలాంటి ఒక సంఘటన గురించి ఇప్పుడు తెలుసుకుందాం.

3. అమెరికా దేశంలోని టెక్సాస్ రాష్ట్రం లో గల డల్లాస్ నగరంలో కుమార్ అనే వ్యక్తి నివసించేవాడు. తనకు పశ్చిమ ముఖద్వార గృహాలలో గతంలో అద్భుతమైన ఫలితాలు రావడంతో, ఈ చిత్రంలో కనిపిస్తున్నటువంటి పశ్చిమ ముఖద్వార గృహాన్ని కొనుగోలు చేశాడు. (అయితే కుమార్ కొనుగోలు చేసిన గృహం ఇలాంటిదే కాకపోయినా, దానికి ప్రహరీ మరియు నిర్మాణ పరంగా అనేక మార్పులు ఉన్నాయి). కుమార్ గారి ఇంటికి కార్ గరాజ్ పశ్చిమ నైరుతిలో ఉండడం గమనించవచ్చు.

4. కుమార్ స్నేహితుడు శ్రీనివాసమూర్తి, వాస్తు శాస్త్రవేత్త పరిశీలన లేకుండా గృహాన్ని కొనవద్దని ఎన్నిసార్లు చెప్పినా, కుమార్ ఆ మాటలను పెద్దగా పట్టించుకోలేదు. అయితే కుమార్ భార్య మరియు మామగారు ఇద్దరూ పట్టుదలగా చెప్పడంతో, చివరకు ఒక వాస్తు శాస్త్రవేత్తను సంప్రదించడానికి ముందుకు వచ్చాడు.

5. వాస్తు నిపుణుడు గృహాన్ని పరిశీలించి కొన్ని సవరణలు సూచించినట్లు కుటుంబ సభ్యులకు తెలియజేయబడింది. ఆ తరువాత కుమార్ ఆ గృహాన్ని కొనుగోలు చేశాడు. ముఖ్యంగా కుమార్‌కు వాస్తు శాస్త్రంపై పెద్దగా నమ్మకం లేకపోవడం, అలాగే గతంలో పెద్దగా చెడు అనుభవాలు లేకపోవడం వల్ల ఇతరులు చెప్పిన హెచ్చరికలను అంతగా పట్టించుకోలేదు.

6. ఆ సమయంలో కుమార్‌కు ఒక కుమార్తె మరియు ఒక కుమారుడు ఉన్నారు. ఈ గృహంలోకి వచ్చినప్పుడు కుమారుడి వయస్సు కేవలం మూడు నెలలు మాత్రమే. కాలం గడుస్తూ మూడు సంవత్సరాలు పూర్తయ్యే సరికి, ఆ బాలుడికి ఆటిజం సమస్య ఉన్నట్లు తెలిసి కుటుంబ సభ్యులంతా తీవ్ర ఆందోళనకు గురయ్యారు.

7. అదే సమయంలో కుమార్ ఉద్యోగాన్ని కూడా కోల్పోయి ఐదు నెలలు గడిచిపోయాయి. చివరికి 11 నెలలు పూర్తయ్యే సరికి, కుటుంబ ఖర్చులు, గృహ రుణం మరియు ఇతర బాధ్యతలన్నింటినీ భార్య చేస్తున్న చిన్న కాంట్రాక్ట్ ఉద్యోగం ద్వారా వచ్చే స్వల్ప ఆదాయంతోనే నిర్వహించాల్సిన పరిస్థితి ఏర్పడింది. ఖర్చులు రోజురోజుకు పెరుగుతుండటంతో, మొదట కుమార్ మామగారు ఐదు లక్షల రూపాయలు సహాయం చేశారు. దురదృష్టవశాత్తు తరువాత కుమార్ భార్య ఉద్యోగం కూడా పోయింది. ఫలితంగా, 11 నెలల కాలంలో మామగారు అందించిన సహాయం మొత్తం దాదాపు 45 లక్షల రూపాయలకు చేరుకుంది.

8. ఈ కష్టకాలంలో అకస్మాత్తుగా కుమార్ తండ్రి మరణించారు. దీంతో కుటుంబమంతా కలిసి భారతదేశానికి ప్రయాణించాల్సి వచ్చింది. ఇది సరిపోదన్నట్లుగా, తమ్ముడితో ఆస్తి సంబంధిత వివాదాలు భరించలేని స్థాయికి చేరుకున్నాయి. తప్పని పరిస్థితుల్లో కుమార్ తన స్నేహితుల వద్ద నుండి దాదాపు 35 వేల డాలర్లు అప్పుగా తీసుకోవాల్సి వచ్చింది. చివరికి హైదరాబాద్ నగరం లో నెల అద్దె వస్తున్న తమ ఫ్లాట్‌ను కూడా అమ్మాల్సిన పరిస్థితి ఏర్పడింది.

9. ఇక ఆలస్యం చేయడం మంచిది కాదని భావించి, చివరకు ఈ ఇంటి వాస్తు విషయాన్ని పూర్తిగా పరిశీలించడానికి ముందుకు వచ్చారు. అప్పుడు అసలైన వాస్తవాలు బయటపడ్డాయి. ప్రహారీలో ఈశాన్య దోషం ఉండటమే కాకుండా, గృహంలో కూడా ఈశాన్య దోషాలు బలంగా ఉండటంతో కుమార్ గారు ఇన్ని సమస్యలను ఎదుర్కొనాల్సి వచ్చింది. ప్రహరీ లో ఉన్న ఈశాన్యం కోత దోషం ఇంత పెద్ద సమస్యలను ఇవ్వదు. అంతేకాకుండా గృహంలో కూడా "ఈశాన్య దోషాలు బలంగా ఉన్నాయి".

10. దాదాపుగా 2007 / 2008 సంవత్సరం వరకు గృహస్తులు వాస్తు శాస్త్రవేత్తలు ఎలా చెబితే అలాగే పాటించేవారు. తర్వాత మార్కెట్లో వాస్తు పుస్తకాలు దొరకడం ఎక్కువైన తర్వాత వారే వాస్తు విజ్ఞానాన్ని బాగా ఔపాసనపట్టి సొంత నిర్ణయాలు తీసుకొని జీవితాన్ని నరకప్రాయం చేసుకుంటున్న కుటుంబాలను ఎంతోమంది “అనుభవజ్ఞులైన” వాస్తు శాస్త్రవేత్తలు చూస్తూనే ఉంటారు. చెబితే వినరు. ఎవరి కర్మలను ఎవరు మార్చగలరు. అయితే నిజమైన విద్యావంతులు మాత్రం పొరపాటున కూడా సొంత నిర్ణయాలు తీసుకోరు. వాస్తు వృత్తిలో అనుభవజ్ఞులను గుర్తించి, వారి సలహా మరియు పరిశీలన ఆధారంగానే తగిన నిర్ణయం తీసుకుంటారు. అందుకే వారిని "విద్యావంతులు" అని అంటారు.

12. బుద్ధిః కర్మానుసారిణీ. మనసు మన ప్రధాన సంపద. అది సకారాత్మకంగా ఉపయోగించుకున్నామా, లేక నాశనాత్మకంగానా అనేది మన చేతుల్లోనే ఉంది. మనసును మిత్రుడిగా మార్చుకోగలిగిన వారికి విజయాలు తధ్యం. అయితే, మనసును శత్రువులా మార్చుకున్న వారు నాశనానికి గురికావచ్చు. మన ప్రవర్తన, మన ఆలోచనలపై ప్రభావం చూపే మన మనస్సు, మనకు మార్గదర్శిగా ఉండగలదు.

13. పాజిటివ్ దృక్పథంతో మనసును నియంత్రించడం మన చేతిలో ఉన్న శక్తి. ఇంద్రియాలను అదుపులో ఉంచి, వాటి ఆకర్షణలను విజయంగా మార్చుకోవడం మన జీవితంలో కీలకం. మనమే మన జీవితంలో విజయాలకు, వైఫల్యాలకు కారణం. మనం మన మనసును ఎలా నడిపిస్తామో ఆ ప్రకారంగానే మన జీవితం ఆకారం తీసుకుంటుంది. పరిస్థితులను మార్చుకోగల శక్తి మనలోనే ఉంది.

గుండ్రంగా ఈశాన్యం తెంపు కలిగిన పశ్చిమ ముఖద్వార గృహం మంచి ఫలితాలు ఇస్తుందా?

గుండ్రంగా ఈశాన్యం తెంపు కలిగిన పశ్చిమ ముఖద్వార గృహం వాస్తు

ఈ చిత్రంలో పశ్చిమ ముఖద్వార గృహానికి ఈశాన్య భాగం గుండ్రంగా తెంపు కలిగిన విధానాన్ని చూపించడం జరిగింది. సాధారణంగా ఈశాన్య భాగం వాస్తుశాస్త్రంలో అత్యంత ప్రాధాన్యత కలిగిన దిశగా పరిగణించబడుతుంది. అందువల్ల ఈశాన్య భాగంలో ఇటువంటి గుండ్రని తెంపు లేదా కోత ఏర్పడినప్పుడు గృహంపై ఎలాంటి ప్రభావం చూపుతుందో అనేది గృహ నిర్మాణం, పరిసర వాస్తు మరియు ఇతర వాస్తు అంశాలపై ఆధారపడి ఉంటుంది. కాబట్టి ఇటువంటి గృహాలను కొనుగోలు చేయడానికి లేదా నిర్మించడానికి ముందు అనుభవజ్ఞుడైన వాస్తు నిపుణుడి సలహా తీసుకోవడం మంచిది.

2. సుమారుగా 1994వ సంవత్సరంలో ఒక గృహాన్ని పరిశీలించడానికి కోయంబత్తూర్ వెళ్లడం జరిగింది. గృహ పరిశీలన పూర్తయిన తరువాత, ఆ గృహస్థులు తమ ఇంటికి అవసరమైన కొన్ని సానిటరీ వేర్ వస్తువులను కొనుగోలు చేయడానికి ఒక దుకాణానికి వెళుతున్నామని చెప్పి, మమ్మల్ని కూడా వెంట రావాలని ఆహ్వానించారు. మేము కూడా వారితో కలిసి ఆ దుకాణానికి వెళ్లాము.

3. మాటల మధ్యలో ఆ దుకాణ యజమానికి సంతానం లేదని తెలిసింది. అంతేకాకుండా, ఆయన తన భార్య ఇద్దరు తమ్ముళ్లను కూడా తన ఇంట్లోనే ఉంచుకున్నారని తెలిసింది. దురదృష్టవశాత్తు వారిద్దరికీ కూడా అప్పటివరకు వివాహం కాలేదు. పెద్ద బావమరిది వయస్సు సుమారు 40 సంవత్సరాలు, రెండవ బావమరిది వయస్సు 36 సంవత్సరాలు. వారు దాదాపు 15 సంవత్సరాలకు పైగా ఆ ఇంట్లోనే నివసిస్తున్నారని తెలిసింది.

4. ఆ తరువాత ఆ దుకాణ యజమాని మధ్యాహ్న భోజనానికి తమ ఇంటికి తప్పకుండా రావాలని ఆప్యాయంగా ఆహ్వానించడంతో, మేమంతా కలిసి వారి ఇంటికి వెళ్లాము. వారిది పశ్చిమ ముఖద్వార గృహం. అయితే, ఈ చిత్రంలో చూపిన విధంగానే ఆ గృహానికి ఈశాన్య భాగం గుండ్రంగా కోతకు గురై ఉండడం గమనించాము.

తూర్పు ఆగ్నేయం పెరిగిన పశ్చిమ ముఖద్వార గృహం శుభ ఫలితాలు ఇస్తుందా?

తూర్పు ఆగ్నేయం పెరిగిన పశ్చిమ ముఖద్వార గృహం వాస్తు

ఈ చిత్రంలోని పశ్చిమ ముఖద్వార గృహానికి తూర్పు ఆగ్నేయ భాగం పెరిగి ఉన్నట్లు గమనించవచ్చు. ఇటువంటి నిర్మాణాన్ని "తూర్పు ఆగ్నేయం పెరిగిన పశ్చిమ ముఖద్వార గృహం" అని అంటారు. సాధారణంగా ఈ విధమైన గృహాలు అనుకూలమైన ఫలితాలను ఇవ్వకపోవచ్చు. జీవితంలో అసంతృప్తి, విద్యలో ఆటంకాలు, అధిక ఖర్చులు, కుటుంబ ఘర్షణలు, అనుకోని సంఘటనలు, పిల్లలు మాట వినకపోవడం, చెడు స్నేహాలు లేదా చెడు అలవాట్ల వైపు ఆకర్షితులవడం, అలాగే అనారోగ్య సమస్యలు ఎదురయ్యే అవకాశం ఉంటుంది. అదనంగా, ఈ గృహంలో ఇతర వాస్తు దోషాలు కూడా ఉన్నట్లయితే, ప్రతికూల ఫలితాలు మరింత అధికంగా ఉండే అవకాశం ఉంది.

2. ఇటువంటి గృహాల వల్ల కలిగే ప్రతికూల ఫలితాలు సాధారణంగా వెంటనే కనిపించకపోవచ్చు. గృహంలో ప్రవేశించిన మొదటి సంవత్సరంలోనే చెడు ఫలితాలు వస్తాయని నిర్ధారించి చెప్పడం సరైంది కాదు. అయితే, కాలం గడిచే కొద్దీ ప్రతికూల ప్రభావం క్రమంగా పెరిగి, దాని ప్రభావం ఎక్కువగా కనిపించే అవకాశం ఉంటుంది.

3. ఇంటిలోని గదులు, గోడలు, తలుపులు వాస్తు శాస్త్ర నియమాలకు అనుగుణంగా ఏర్పాటు చేయబడనట్లయితే, ప్రతికూల ఫలితాల ప్రభావం మరింత అధికంగా ఉండే అవకాశం ఉంటుంది. అంతేకాకుండా, ఇటువంటి వాస్తు దోషాల కారణంగా చెడు ప్రభావాలు త్వరగా కనిపించే అవకాశాలు కూడా ఎక్కువగా ఉంటాయి.

4. 1993 సంవత్సరంలో రాజస్థాన్ రాష్ట్ర రాజధాని జైపూర్‌కు వెళ్లిన సందర్భంలో ఒక గృహస్థుడి మిత్రుడు, "వాస్తు శాస్త్రం ఏమీ పనిచేయదు. అనవసరంగా దీనికోసం డబ్బు ఖర్చు చేయాల్సిన అవసరం లేదు" అని తన అభిప్రాయాన్ని వ్యక్తం చేశాడు. అంతేకాకుండా, తన తమ్ముడు గత ఆరు సంవత్సరాలుగా అనేక రకాల తీవ్రమైన ఇబ్బందులను ఎదుర్కొంటున్నాడని, అంతకు ముందు ఆయన జీవితం ఎంతో సంతోషంగా, ప్రశాంతంగా సాగేదని వివరించాడు.

5. కొంతసేపటి చర్చ అనంతరం ఆయన సమ్మతించడంతో, ఆయన తమ్ముడి గృహాన్ని పరిశీలించడానికి వెళ్లడం జరిగింది. పరిశీలనలో ఒక ముఖ్యమైన విషయం గమనించబడింది. ఇతరుల ఖాళీ స్థలం చాలా తక్కువ ధరకే లభిస్తున్న సమయంలో, ఈ చిత్రంలో చూపినట్లుగా తూర్పు ఆగ్నేయ భాగంలో ఉన్న స్థలాన్ని సుమారు ఏడు సంవత్సరాల క్రితం కొనుగోలు చేసి తన స్థలంలో కలుపుకున్నారు. ఆ స్థలాన్ని కలుపుకున్న అనంతరం నుంచే తన జీవితంలో సమస్యలు ఒక్కొక్కటిగా ప్రారంభమై, కాలక్రమేణా మరింత అధికమయ్యాయని యజమానే స్వయంగా వివరించారు. తూర్పు ఆగ్నేయ స్థలాన్ని కలుపుకోవడం మంచిది కాదు.

ఆగ్నేయ భాగం నేరుగా పెరిగిన పశ్చిమ ముఖ గృహం - వాస్తు ఫలితాలు

ఈ చిత్రంలో చూపినట్లుగా పశ్చిమ ముఖ గృహానికి ఆగ్నేయ (Southeast) భాగం నేరుగా పెరిగి ఉంది. వాస్తు శాస్త్రంలో ఆగ్నేయ దిక్కు అగ్ని తత్వానికి సంబంధించినది. ఈ దిశ సమతుల్యత కోల్పోయి అధికంగా పెరిగితే గృహంలోని శక్తి ప్రవాహంలో అసమతుల్యత ఏర్పడే అవకాశం ఉంటుంది. ఇలాంటి స్థలాల్లో నివసించే వారికి శ్రమకు తగిన ఫలితాలు ఆలస్యంగా రావడం, ఆర్థిక వ్యవహారాల్లో అనుకోని ఖర్చులు పెరగడం, కుటుంబ సభ్యుల మధ్య అభిప్రాయ భేదాలు ఏర్పడడం వంటి పరిస్థితులు ఎదురయ్యే అవకాశం ఉంది. వ్యాపారులు లేదా ఉద్యోగస్తులు కూడా ఆశించిన స్థిరమైన పురోగతిని పొందడంలో ఇబ్బందులు అనుభవించవచ్చు. కొన్నిసార్లు పరిష్కారం కాని సమస్యల వలయంలో గృహస్తులు చిక్కుకుపోయే అవకాశం కూడా ఉంటుంది.

2. అందువల్ల పశ్చిమ ముఖ గృహానికి ఆగ్నేయ భాగం నేరుగా పెరిగి ఉన్న స్థలాలను ఎంపిక చేసే ముందు వాస్తు పరంగా పూర్తిగా పరిశీలించడం మంచిది. సరైన ప్రణాళికతో నిర్మించిన సమతుల్య స్థలాలు దీర్ఘకాలంలో మెరుగైన ఫలితాలను అందించే అవకాశాలు ఎక్కువగా ఉంటాయి.

3. గృహంలో ఆగ్నేయ భాగం నేరుగా పెరిగి ఉన్నప్పుడు ప్రతికూల ఫలితాలు అధికంగా కనిపించే అవకాశం ఉంది. ఉదాహరణకు, కేరళ రాష్ట్రం లోని ఒక ప్రాంతంలో ప్రభుత్వ ఉద్యోగి లంచం తీసుకుంటూ అధికారులకు చిక్కిన ఘటన వెలుగులోకి వచ్చింది. అనంతర విచారణలో ఆయన సుమారు రూ.50 కోట్లకు పైగా విలువైన అక్రమ ఆస్తులను కూడబెట్టినట్లు అధికారులు గుర్తించినట్లు వెల్లడైంది. కొన్ని పరిమితుల కారణంగా ఆ ఘటనకు సంబంధించిన పూర్తి వివరాలను ఇక్కడ ప్రస్తావించడం లేదు.

4. ఈ ప్రభుత్వ ఉద్యోగి నివసించిన గృహానికి ఈ చిత్రంలో చూపినట్లుగా ఆగ్నేయ భాగం అధికంగా పెరిగి ఉంది. అంతేకాకుండా, ఉత్తర దిశలోని ఖాళీ స్థలంతో పోల్చితే దక్షిణ దిశలో ఖాళీ స్థలం కూడా ఎక్కువగా ఉంది.

నైరుతి తెంపు కలిగిన పశ్చిమ ముఖద్వార గృహం అశుభ ఫలితాలను ఇస్తుందా?

ప్రహరీలో నైరుతి తెంపు కలిగిన పశ్చిమ ముఖద్వార గృహం

ఈ చిత్రంలో పశ్చిమ ముఖద్వార గృహానికి ప్రహరీలో నైరుతి భాగం తెంపుకు గురైన విధానాన్ని స్పష్టంగా గమనించవచ్చు. వాస్తుశాస్త్ర రీత్యా నైరుతి దిశ స్థిరత్వం, ఆర్థిక బలం, కుటుంబ బాధ్యతలు మరియు జీవన స్థైర్యానికి సంబంధించిన ముఖ్యమైన దిశగా పరిగణించబడుతుంది. అందువల్ల ఈ భాగంలో ఇటువంటి తెంపు ఉన్నప్పుడు గృహస్థులు కొన్ని ప్రతికూల పరిస్థితులను ఎదుర్కొనే అవకాశం ఉంటుంది. ముఖ్యంగా ఆర్థిక స్థిరత్వంలో హెచ్చుతగ్గులు, కుటుంబ వ్యవహారాలలో ఇబ్బందులు, నిర్ణయాలలో అస్థిరత్వం మరియు మానసిక ఆందోళనలు కనిపించే అవకాశాలు ఉండవచ్చు. అయితే గృహం లోపలి వాస్తు, పరిసర వాస్తు మరియు ఇతర నిర్మాణ అంశాలను సమగ్రంగా పరిశీలించిన తర్వాత మాత్రమే తుది నిర్ణయానికి రావడం సముచితం.

పడమర ముఖ ఇంటికి ఉత్తర వాయవ్యం క్రాస్ గా పెరిగితే ఎలాంటి ఫలితాలు ఉంటాయి?

ఉత్తర వాయువ్యం క్రాస్ గా పెరిగిన పశ్చిమ ముఖ ఇంటి వాస్తు చిత్రం

ఈ చిత్రంలో మీరు పశ్చిమ ముఖద్వార గృహాన్ని చూడవచ్చు. ఈ గృహానికి సంబంధించిన ప్రహరీ (కాంపౌండ్ వాల్) ఉత్తర-వాయువ్యంలో కోణంగా పెరిగినట్లు మీరు గమనించవచ్చు. ఇటువంటి కోణంగా పెరిగిన పశ్చిమ ముఖద్వార గృహాలను దయచేసి కొనకండి. ఒకవేళ ఇప్పటికే కొని ఉంటే, తప్పనిసరిగా ఒక అనుభవజ్ఞుడైన వాస్తు శాస్త్రవేత్తచే పరిశీలింపజేసి, తగిన మార్పులు చేసుకోండి. ఒకవేళ మీకు అందుబాటులో వాస్తు పండితులు లేనట్లయితే... పెరిగిన ఉత్తర-వాయువ్యాన్ని కోత పెడుతూ, ఈశాన్య భాగం నుంచి పశ్చిమ గోడ వైపుకు ఒక కొత్త గోడ నిర్మాణం చేయడం లేదా గ్రీన్ ట్రెల్లిస్ (Green Trellis) వంటిది ఏర్పాటు చేయడం మంచిది.

ఉత్తర-వాయువ్య (NNW) భాగం కోణంగా పెరిగిన (Crossly Extended) గృహాల్లో ఎదురయ్యే ప్రధాన సమస్యలు మరియు వాటి తీవ్రత గురించి వివరంగా తెలుసుకుందాం:

1. ఉద్యోగం, వ్యాపారం మరియు ప్రయాణాలు:
ఉత్తర-వాయువ్య భాగం కోణీయంగా పెరిగిన (NNW Extension) ఇళ్లలో నివసించే వారికి తరచూ ఉద్యోగ మార్పులు, అవాంఛిత బదిలీలు, ప్రయాణాలు లేదా నివాస స్థల మార్పులు సంభవించే అవకాశం ఉంది. అంతేకాకుండా, వ్యాపార వ్యవహారాలలో జాప్యం జరగడం లేదా ముఖ్యమైన నిర్ణయాలు తీసుకోవడంలో చంచలత్వం ఏర్పడవచ్చు. నష్టాలు వచ్చే అవకాశం కూడా అధికంగా ఉంటుంది. భాగస్వామ్య వ్యాపారాలు (Partnerships) కలసిరావు, గొడవలు జరిగే అవకాశాలు ఎక్కువ. మానసిక ప్రశాంతత లోపిస్తుంది.

2. కుటుంబ వాతావరణం:
ఈ రకమైన ఉత్తర-వాయువ్య కోణ విస్తరణ కారణంగా కుటుంబ సభ్యుల మధ్య అభిప్రాయ భేదాలు, అపార్థాలు లేదా సంబంధాలలో స్థిరత్వం లోపించడం వంటి పరిస్థితులు తలెత్తవచ్చు. అయితే ఈ ప్రభావాలు ఇంటిలోని ఇతర దిశల వాస్తు అమరికలపై కూడా ఆధారపడి ఉంటాయి. కుటుంబ సభ్యులకు మనశ్శాంతి కరువవుతుంది. ఒకరిపై ఒకరు నిందలు వేసుకునే అవకాశం పెరగడమే కాకుండా, ఆర్థిక నష్టాలను కూడా చూడవలసి రావచ్చు.

3. ఆర్థిక పరిస్థితి:
కొన్ని సందర్భాలలో ఊహించని ఖర్చులు పెరగడం, ఆదాయానికి తగినట్లుగా పొదుపు లేకపోవడం లేదా ఆర్థిక లావాదేవీలలో ఆలస్యం ఎదురుకావడం వంటి అననుకూలతలు కనిపించవచ్చు. అప్పులు అయ్యే అవకాశం అధికంగా ఉంటుంది, అయితే విచిత్రంగా ఈ గృహస్థులకు హలోఅప్పులు ఇచ్చేవారు సదా సిద్ధంగా ఉంటారు.

4. ఆరోగ్యం మరియు మానసిక ప్రశాంతత:
ఇలాంటి నిర్మాణాలలో నివసించే వారికి మానసిక ఒత్తిడి, ఆందోళన లేదా నిర్ణయాలలో తీవ్రమైన అస్థిరత అనిపించే అవకాశాలు ఎక్కువ. మానసిక ఆరోగ్య సమస్యలు తలెత్తవచ్చు. కుటుంబ సభ్యులలో ఒకరిపై ఒకరికి అసహ్యం లేదా ఏవగింపు కలిగే అవకాశం కూడా ఉంటుంది.

5. యువత మరియు అవకాశాలు:
వాయువ్యం ప్రయాణాలకు సంకేతం కావడం వల్ల, కొన్ని సందర్భాలలో ఇంట్లోని యువతకు విదేశీ విద్య, విదేశీ ఉద్యోగాలు లేదా స్వస్థలానికి దూరంగా కొత్త అవకాశాలు లభించే సూచనలు కనిపించవచ్చు. అయితే ఇది కేవలం ఒకే వాస్తు అంశం ఆధారంగా ముగించలేని విషయం.

6. వాస్తు పరిష్కారాలు:
సాధ్యమైనంత వరకు కోణీయంగా పెరిగిన భాగాన్ని (Extension) కాంపౌండ్ వాల్ ద్వారా వేరుచేసి, ప్రధాన స్థలాన్ని ఖచ్చితమైన చతురస్రాకారం లేదా దీర్ఘచతురస్రాకారంలోకి (Rectify) తీసుకురావడం ఉత్తమ పరిష్కారం. అది వెంటనే సాధ్యం కాకపోతే, ఆ విస్తరించిన భాగంలో పక్కా నిర్మాణాలు చేయకుండా ఓపెన్-టు-స్కై (Open-to-sky) ప్రదేశంగా లేదా చిన్న పచ్చిక బయలు/గార్డెన్‌గా మాత్రమే ఉపయోగించాలి. అలాగే ప్రధాన భవనం చుట్టూ ఉత్తరం మరియు తూర్పు వైపులా ఎక్కువ ఖాళీ స్థలం ఉండేలా చూసుకోవడం శ్రేయస్కరం.

దక్షిణ నైరుతి భాగం పెరిగిన ప్రహరీ గోడతో గృహం - వాస్తు ఫలితాలు

పశ్చిమ ముఖ గృహంలో దక్షిణ నైరుతి భాగం విస్తరణ వాస్తు

ఈ చిత్రాన్ని చాలా జాగ్రత్తగా గమనించండి. ఈ గృహానికి అన్ని దిక్కులా ప్రహరీ గోడ ఉంది. మనం ఇంతకుముందే చెప్పుకున్నట్లుగా, ప్రహరీ ఉన్నప్పుడు ఒక విధమైన ఫలితం, ప్రహరీ లేనప్పుడు మరో విధమైన ఫలితం వచ్చే అవకాశం ఉంటుంది. ఈ గృహాన్ని జాగ్రత్తగా గమనించినట్లయితే, ప్రహరీని దక్షిణ నైరుతి భాగం పెరిగే విధంగా నిర్మించడం జరిగింది. ఈ విధంగా నిర్మాణం చేయడం సరైనది కాదు. సాధారణంగా ఈశాన్య భాగం మినహా ఇతర ఏ దిశలోనూ మూల భాగం ఈ విధంగా పెరిగి ఉండటం మంచిది కాదని వాస్తు సంప్రదాయాలు పేర్కొంటాయి.

2. సాధారణంగా ఇటువంటి గృహాలలో నివసించే గృహస్తులకు అనారోగ్య సమస్యలు ఎక్కువగా వచ్చే అవకాశం ఉంటుంది.

3. దీర్ఘకాలిక వ్యాధులతో బాధపడే పరిస్థితులు ఏర్పడే అవకాశం ఉంటుంది.

4. పరిస్థితులు తమ చేతుల్లో లేకుండా పోయినట్లు అనిపించి, మానసిక ఆందోళనను అనుభవించే అవకాశం ఉంటుంది.

5. ప్రవర్తనలో కొన్ని లోపాలు ఏర్పడే అవకాశం ఉంటుంది.

6. అనేక కష్టనష్టాలను ఎదుర్కోవాల్సి వచ్చే పరిస్థితులు ఏర్పడవచ్చు.

7 . సాధారణంగా వచ్చే ఖర్చుల కన్నా అధికంగా ఖర్చులు వచ్చే అవకాశం ఉంది.

8. ప్రహరీలో ఈ దక్షిణ నైరుతి పెరగడంతో పాటుగా, గృహం లోపల ఏమైనా ఇతర వాస్తు సమస్యలు ఉన్నట్లయితే, ఒక్కొక్కసారి పోలీస్ స్టేషన్‌కు వెళ్లి రావాల్సిన పరిస్థితులు ఏర్పడవచ్చు. లేదా న్యాయస్థానాల చుట్టూ తిరగాల్సిన పరిస్థితి కూడా రావచ్చు.

వాస్తు పరిష్కారాలు:
సాధ్యమైనంత వరకు కోణీయంగా విస్తరించిన భాగాన్ని (Extension) మరొక కాంపౌండ్ వాల్ ద్వారా ప్రధాన స్థలం నుంచి వేరుచేసి, స్థలాన్ని ఖచ్చితమైన చతురస్రాకారం లేదా దీర్ఘచతురస్రాకారంలోకి తీసుకురావడం (Rectify) ఉత్తమ పరిష్కారంగా పరిగణించవచ్చు. వెంటనే అలా చేయడం సాధ్యం కాని పరిస్థితుల్లో, విస్తరించిన భాగంలో స్టోర్ రూమ్‌ను నిర్మించుకోవచ్చు. అలాగే, ప్రధాన భవనం చుట్టూ ముఖ్యంగా ఉత్తరం మరియు తూర్పు వైపులా తగినంత ఖాళీ స్థలం ఉండేలా చూసుకోవడం శ్రేయస్కరం.

నైరుతిలో నిర్మించిన తూర్పు ఉత్తరం ఖాళీ స్థలం కలిగిన పశ్చిమ ముఖ ద్వార గృహము

నైరుతిలో నిర్మించిన తూర్పు ఉత్తరం ఖాళీ స్థలం కలిగిన పశ్చిమ ముఖ గృహము వాస్తు చిత్రం

ఈ చిత్రంలో పశ్చిమ ముఖద్వార గృహానికి తూర్పు మరియు ఉత్తర భాగాలలో విశాలమైన ఖాళీ స్థలం, అలాగే దక్షిణ మరియు పశ్చిమ భాగాలలో తక్కువ ఖాళీ స్థలం ఉన్న విధానాన్ని స్పష్టంగా గమనించవచ్చు. సాధారణంగా వాస్తుశాస్త్ర రీత్యా తూర్పు మరియు ఉత్తర దిశలలో తగినంత విశాలమైన ఖాళీ స్థలం ఉండడం శుభప్రదంగా పరిగణించబడుతుంది. ఇటువంటి నిర్మాణం కలిగిన గృహాలు గృహస్థులకు శుభ ఫలితాలను అందించే అవకాశాలు మెరుగ్గా ఉంటాయి. అయితే గృహానికి కలిగే తుది వాస్తు ఫలితాలు కేవలం ఈ ఒక్క అంశంపై మాత్రమే ఆధారపడవు. గృహం లోపలి వాస్తు, ప్రహరీ నిర్మాణం, స్థల ఆకారం, నేల ఎత్తుపల్లాలు, నీటి వనరుల స్థానం, ప్రధాన ద్వారం మరియు పరిసర వాస్తు వంటి అంశాలను సమగ్రంగా పరిశీలించిన తర్వాత మాత్రమే సరైన నిర్ణయానికి రావాలి.

పడమర దిశ గృహ వాస్తు పై కొన్ని ప్రశ్నలు మరియు సమాధానాలు

ఇక్కడ పశ్చిమ దిశ గృహాలపై గృహస్థులకు వచ్చే కొన్ని ప్రశ్నలు ప్రచురించడం జరిగినది. వాటికి సంబంధించిన సమాధానాలను కూడా అందించాము. ఒకవేళ మీకు పడమర దిశ గృహాల వాస్తుపై ఏవైనా సందేహాలు లేదా ప్రశ్నలు ఉన్నట్లయితే మమ్మల్ని నిరభ్యంతరంగా సంప్రదించండి. మీ ప్రశ్న మర్యాదపూర్వకంగా ఉంటే తప్పకుండా సమాధానం ఇవ్వడానికి ప్రయత్నిస్తాము. అలాగే మీ ప్రశ్న సమాజానికి ఉపయోగపడే విధంగా ఉంటే, మీ అనుమతితో మాత్రమే ఆ ప్రశ్న మరియు దానికి సంబంధించిన సమాధానాన్ని ఈ వెబ్‌సైట్‌లో ప్రచురిస్తాము. మీ స్పష్టమైన అనుమతి లేకుండా మీ పేరు లేదా ఊరును ఎట్టి పరిస్థితుల్లోనూ ప్రచురించము.

గృహానికి పశ్చిమ దిశలో బావులు, చెరువులు, కుంటలు, వాగులు, కాలువ ప్రవాహాలు ఉండడం మంచిదేనా?

వాస్తు రీత్యా పశ్చిమ దిశలో బావులు, చెరువులు ఉండవచ్చునా

వాస్తు శాస్త్ర రీత్యా గృహములకు పశ్చిమ దిశలో లోతైన ప్రాంతాలు ఉండడం మంచిది కాదు. ఇంటికి పశ్చిమ దిశలో వాగులు, కుంటలు, నీటి ప్రవాహాలు, ఉండడం వల్ల అశుభ లక్షణాలు కనిపించవచ్చు. ఉదా : - ఆరోగ్యం నాశనమైపోవడం, పెద్ద పెద్ద అనారోగ్యాలతో భాదలను అనుభవించడం, ధనం కోల్పోవడం, సంపద ఆవిరైపోవడం, ఆనందం లేకుండా పోవడం, జీవనోపాధి కోల్పోవడం, మానసిక అశాంతి, కావలసిన స్నేహితులు, బంధువులు, దూరమైపోవడం, ఆసుపత్రికి తరచూ వెళ్లడం, అపజయం, పట్టుకున్న కార్యక్రమాలు సజావుగా జరగకపోవడం, శత్రువులు పెరగడం, కిరాయి సరిగా రాకపోవడం, లేక కిరాయి కట్టే స్థోమత కూడా లేకుండుట, జీవనాధారం కోల్పోవడం, అనుకున్న పనులు జరగకపోవడం, ఇత్యాది విషయాలు అనుభవం లోకి రావచ్చును.

పశ్చిమ భాగంలో అధిక ఖాళీ స్థలం ఉంటే ఎలాంటి ఫలితాలు కలుగుతాయి?

పశ్చిమ దిశలో అధిక ఖాళీ స్థలం ఉన్న గృహం వాస్తు

1. ఈ చిత్రంలో చూపించిన గృహానికి నాలుగు వైపులా ప్రహరీ గోడ ఉంది. ప్రహరీ ఉన్నప్పుడు ఒక ఫలితం, ప్రహరీ లేనప్పుడు మరో విధమైన ఫలితాలు వచ్చే అవకాశం ఉంది. ఈ విషయాన్ని ప్రత్యేకంగా గమనించాలి. ఈ ప్రహరీలో ఈ చిత్రంలో చూపించిన గృహం తూర్పు భాగంలో నిర్మించబడి, పశ్చిమ భాగం అంతా అధికమైన ఖాళీ స్థలాన్ని వదిలివేయడం జరిగింది. గృహానికి ఉన్న ప్రహరీకి పెద్ద గేటు ఏర్పాటు చేసినప్పుడు ఒక విధమైన ఫలితం, చిన్న గేటు ఏర్పాటు చేసినప్పుడు మరో విధమైన ఫలితం వచ్చే అవకాశం ఉంది. అంతేకాకుండా, ఈ గేట్లను అంటే ప్రవేశ ద్వారాలను ఏ ప్రాంతంలో ఏర్పాటు చేస్తున్నారు అనే అంశంపై కూడా ఫలితాలు ఆధారపడి ఉంటాయి. ఉదాహరణకి ప్రస్తుతం ఉన్న గేటు పశ్చిమ భాగంలో ఉన్నది.

2. ఎప్పుడైతే ఒక గృహానికి ప్రహరీ ఉండి, పశ్చిమ భాగంలో అధికంగా ఖాళీ స్థలం ఉండి, తూర్పు భాగంలో చాలా తక్కువగా ఖాళీ స్థలం ఉన్నప్పుడు, గృహస్తుల జీవనోపాధిపై ప్రతికూల ప్రభావం పడే అవకాశం ఉంది. అంటే, ఉద్యోగం కోల్పోవడం లేదా ఉపాధి అవకాశాలు తగ్గిపోవడం, వ్యాపారస్తులకు వ్యాపారంలో భారీగా నష్టాలు రావడం లేదా ఇతరుల ద్వారా మోసానికి గురికావడం వంటి పరిస్థితులు ఎదురయ్యే అవకాశం ఉంది..

3. ఎంత ఆరోగ్యవంతులైనప్పటికీ, ఇలాంటి గృహాల్లో నివసించే వారికి అనారోగ్య సమస్యలు ఎదుర్కోవలసి రావచ్చు. పశ్చిమ భాగంలో ఖాళీ స్థలం అత్యధికంగా ఉన్నప్పుడు ఏ పని చేసుకోలేని అసమర్ధత కల అనారోగ్యానికి దారి తీసే అవకాశం ఉంది.

4. సాధారణంగా ఇలాంటి నిర్మాణం గృహస్తులకు ఆశించిన స్థాయిలో అనుకూల ఫలితాలను అందిస్తుందని చెప్పలేము.

5. పశ్చిమ భాగంలో అధికంగా ఖాళీ స్థలం ఉండటం వల్ల ఆశించిన స్థిరత్వం లేకపోవడం.

6. ఆర్థిక వ్యవహారాల్లో అనవసరమైన ఖర్చులు పెరగడం.

7. ఎంత కష్టపడినా ఆశించిన ఫలితాలు ఆలస్యంగా లభించడం వంటి పరిస్థితులు ఏర్పడే అవకాశం ఉంది.

8. అలాగే, గృహంలోని పురుష సంతానానికి ప్రతికూల పరిస్థితులు, లేదా చెడు జరిగే అవకాశం ఉంది.

9. గృహస్తులకు అపకీర్తి వచ్చే పరిస్థితులు దాపురించవచ్చు.

10. గృహంలోని వ్యక్తులు అనవసరమైన తగాదాల్లో తలదూర్చి అవమానానికి గురయ్యే అవకాశం ఉంది.

11. కుటుంబంలో దుఃఖకరమైన పరిస్థితులు మరియు తీవ్రమైన ఆర్థిక ఇబ్బందులు ఎదురయ్యే అవకాశం కూడా ఉంది.

10. పరాయి వ్యక్తులు, ఇతర బంధువులు లేదా స్నేహితులుగా నటించే వ్యక్తులు ఈ గృహస్తుల విషయాల్లో జోక్యం చేసుకుని వారి ఆత్మవిశ్వాసాన్ని దెబ్బతీసే అవకాశం ఉంది. అంతేకాకుండా, ఈ ఇంటి గృహస్తులకు తప్పుడు సలహాలు ఇచ్చి, తప్పు నిర్ణయాలు తీసుకునేలా చేసే అవకాశం కూడా ఉంది.

రమణ అన్నయ్య గారి అనుభవం

మా అన్నయ్య ఇక్కడే న్యూ జెర్సీ రాష్ట్రంలో ఒక పశ్చిమ ముఖద్వార గృహంలో నివసిస్తున్నారు. గతంలో పశ్చిమ ముఖద్వార గృహాలలో నివసించినప్పుడు వారికి చాలా మంచి ఫలితాలు వచ్చినందున, అదే నమ్మకంతో ఈ ఇంటిని కూడా ఎంపిక చేసుకున్నారు. అయితే, ఈ ఇంటికి వచ్చిన తర్వాత వారు అనేక ఊహించని సమస్యలు మరియు ఇబ్బందులను ఎదుర్కొంటున్నారు.

మా అన్నయ్య పడుతున్న కష్టాలను చూస్తుంటే చాలా బాధగా ఉంటుంది. మీ వెబ్‌సైట్‌ను సందర్శించిన తర్వాత నాకు ఒక విషయం అర్థమైంది. పశ్చిమ భాగంలో అధిక ఖాళీ స్థలం ఉండటం వల్ల కొన్ని ప్రతికూల ఫలితాలు కలగవచ్చని మీరు వివరించారు. మా అన్నయ్య ఇంటికి ఎదురుగా, అంటే పశ్చిమ భాగంలో, చాలా విస్తారమైన ఖాళీ స్థలం ఉంది. అంతేకాకుండా అక్కడ ఒక వరద నీటి కాలువ కూడా ఉంది. ఇంటి లోపల ఇంకా ఎలాంటి వాస్తు లోపాలు ఉన్నాయో నాకు తెలియదు. కానీ ఇంట్లో ఎప్పుడూ ఏదో ఒక అసంతృప్తి, ఆందోళన వాతావరణం కనిపిస్తూనే ఉంటుంది.

మా వదినగారు ఎంతో మంచివారు. నిజం చెప్పాలంటే, ఆమె నాకు తల్లి కంటే ఎక్కువ ప్రేమను అందించారు. నాకు తల్లి లేని లోటును మా వదినగారే తీర్చారు. అందుకే మా అన్నయ్య కుటుంబం ఎదుర్కొంటున్న ఈ పరిస్థితి నాకు మరింత బాధను కలిగిస్తోంది.

మా అన్నయ్య ప్రస్తుతం నివసిస్తున్న గృహాన్ని కొనుగోలు చేయడానికి ముందే మీ వెబ్‌సైట్‌ను చూసి ఉంటే, ఈరోజు మేము ఇలాంటి ఇబ్బందులను ఎదుర్కొనే పరిస్థితి వచ్చేది కాదు. దురదృష్టవశాత్తు, గృహాన్ని కొనుగోలు చేసిన చాలా కాలం తర్వాతే మీ వెబ్‌సైట్ గురించి మాకు తెలిసింది. ఏది ఏమైనప్పటికీ, మీరు సమాజానికి ఎంతో విలువైన సేవ చేస్తున్నారు. మీ వెబ్‌సైట్ ద్వారా మాకు అనేక ఉపయోగకరమైన విషయాలు తెలుసుకునే అవకాశం లభించింది. భవిష్యత్తులో కూడా మీరు మీ వెబ్‌సైట్‌ను మరింత అభివృద్ధి చేస్తూ, ఇలాంటి సమాచారాన్ని ప్రజలకు అందించాలని మనస్ఫూర్తిగా కోరుకుంటున్నాను. మీ మార్గదర్శకత్వం ద్వారా మాలాంటి ఎందరో కుటుంబాలు సరైన నిర్ణయాలు తీసుకొని, అనవసరమైన సమస్యలను నివారించగలుగుతాయి. - రమణ, న్యూ జెర్సీ.

19,000 నుంచి 300 మందికి తగ్గిన ఉద్యోగుల సంఖ్య - ఒక వాస్తు ఉదాహరణ

కొన్ని కారణాల దృష్ట్యా ఈ సంస్థ పేరును, సంస్థ యజమాని నివసించిన పట్టణం పేరును ఇక్కడ వెల్లడించడం లేదు. ముంబై మహానగరం లో 2004 వ సంవత్సరంలో ఒక సాఫ్ట్‌వేర్ కంపెనీ ప్రారంభమైంది. అంచెలంచెలుగా అభివృద్ధి చెందుతూ, కేవలం కొన్ని సంవత్సరాల్లోనే 23 దేశాల్లో తమ కంపెనీ శాఖలను ఏర్పాటు చేసుకుంది. ఆయా దేశాల్లోని శాఖల్లో కలిపి దాదాపు 19,000 మంది సిబ్బంది పనిచేసేవారు. సంస్థ యజమాని ప్రతి నెలా సుమారు 8 నుంచి 9 దేశాలకు ప్రయాణిస్తూ, వ్యాపార కార్యకలాపాలను పర్యవేక్షించేవారు. 2016 వ సంవత్సరం వరకు కంపెనీ వార్షిక ఆదాయం కూడా ఎంతో అద్భుతంగా ఉండేది.

ఒక పెద్ద గృహాన్ని తీసుకోవాలనే ఉద్దేశంతో, అప్పటివరకు నివసిస్తున్న గృహం నుంచి మరో గృహానికి మారారు. ఈ పశ్చిమ ముఖ గృహంలోకి వచ్చిన తర్వాత కంపెనీకి చిన్నచిన్న సమస్యలు ప్రారంభమయ్యాయని తెలిసింది. ఆ తర్వాత కాలక్రమేణా ఒక్కొక్క దేశంలో తమ కంపెనీ శాఖలను మూసివేయాల్సిన పరిస్థితులు ఏర్పడ్డాయి. ఒకప్పుడు 23 దేశాల్లో విస్తరించి, దాదాపు 19,000 మంది సిబ్బందితో కొనసాగిన సంస్థలో ఉద్యోగుల సంఖ్య చివరకు కేవలం 300 మందికి పడిపోయింది.

ఇక్కడ గమనించదగ్గ విషయం ఏమిటంటే, సంస్థ యజమానికి వాస్తు శాస్త్రంపై ఎంతో విశ్వాసం ఉండేది. అయితే, ఈ గృహానికి మారడానికి ముందు ఆయన దాదాపు 15 మంది వాస్తు నిపుణులను సంప్రదించినట్లు సమాచారం. చివరకు తక్కువ పారితోషికం తీసుకునే ఒక వాస్తు నిపుణుడి సలహాలను స్వీకరించి, ఈ పశ్చిమ ముఖ గృహంలోకి మారినట్లు తెలిసింది.

ఒక్కొక్క దేశంలో కంపెనీ శాఖలు మూతపడుతూ, వ్యాపార కార్యకలాపాలు క్రమంగా క్షీణించి, చివరకు సిబ్బంది సంఖ్య 300 మందికి చేరుకున్న తర్వాత పరిస్థితి తీవ్రతను అప్పుడు గుర్తించారు. చివరికి గతిలేక వాస్తు శాస్త్రంలో బాగా అనుభవం ఉన్న వాస్తు నిపుణుడి కోసం వెతికి, ఆయనచే గృహాన్ని పరిశీలించి చేయించుకున్నారు.

ఈ గృహానికి సంబంధించిన స్థల నిర్మాణాన్ని పరిశీలించినప్పుడు కొన్ని ముఖ్యమైన అంశాలు కనిపిస్తాయి.

పశ్చిమ భాగం: గృహానికి పశ్చిమ దిశలో విపరీతమైన ఖాళీ స్థలం ఉంది.

తూర్పు భాగం: తూర్పు వైపు కొండను పోలిన ఎత్తైన నిర్మాణం ఉంది.

స్థలం కొలతలు: ప్రహరీ గోడతో సహా స్థలం సుమారు 100 × 150 అడుగుల విస్తీర్ణంలో ఉంది.

ప్రధాన పరిశీలన: పశ్చిమ భాగంలో విపరీతమైన ఖాళీ స్థలం ఉండి, తూర్పు భాగంలో చాలా తక్కువ ఖాళీ స్థలం ఉండి మరియు తూర్పు అత్యంత ఎత్తైన నిర్మాణం ఉండడం ఈ గృహానికి ఉన్న అతి పెద్ద దోషములు. ఇటువంటి లక్షణాలు కలిగిన గృహాలు యజమానులను లేదా సంస్థలను క్రమంగా తిరోగమనం వైపు నడిపిస్తాయి.

ఈ ఉదంతం మనకు అందించే పాఠం ఏమిటి?

మన పెద్దలు తరచుగా ఒక మాట చెబుతుంటారు: “అదృష్టవంతులను ఎవరూ చెడగొట్టలేరు, దురదృష్టవంతులను ఎవరూ బాగుచేయలేరు.” అయితే, ఇలాంటి విషయాలను కేవలం అదృష్టం లేదా వాస్తుతో మాత్రమే ముడిపెట్టడం కంటే, పరిస్థితులను సమగ్రంగా పరిశీలించడం ముఖ్యం.

ఒక పెద్ద సంస్థను స్థాపించి, వేలాది మందికి ఉపాధి కల్పించిన వ్యక్తి సైతం గృహ ఎంపిక విషయంలో తగిన జాగ్రత్తలు తీసుకోవాల్సిన అవసరం ఉంది. వాస్తు సలహా తీసుకునేటప్పుడు కేవలం తక్కువ పారితోషికాన్ని ప్రాతిపదికగా చేసుకోకుండా, నిపుణుడి అనుభవం, పరిశీలనా సామర్థ్యం, వివరణలోని స్పష్టతకు ప్రాధాన్యత ఇవ్వడం మంచిది.

గృహాన్ని కొనుగోలు చేసే ముందు ఎందుకు జాగ్రత్తగా పరిశీలించాలి?

ఒక సెకండ్ హ్యాండ్ కారు కొనుగోలు చేసే సమయంలో మనం ఎంత జాగ్రత్తగా వ్యవహరిస్తామో ఒక్కసారి ఆలోచించండి. కేవలం కారు పైభాగంలో ఉన్న పెయింట్‌ను చూసి కొనుగోలు చేయము కదా! ముందుగా ఇంజిన్ పరిస్థితి ఎలా ఉందో, ఇతర విడిభాగాలు సక్రమంగా పనిచేస్తున్నాయో లేదో, ప్రమాదానికి గురైందా లేదా అనే విషయాలను కూడా ఎంతో జాగ్రత్తగా పరిశీలిస్తాము. ఈ విషయంలో ఎలాంటి రాజీ పడము.

ఒకవేళ కారు నచ్చకపోతే అమ్మేసుకొని ఇంకొక కారు కొనడానికి అవకాశాలు చాలా ఉంటాయి, ఒకవేళ నష్టపోతే మహా అంటే ఒక 25000 లేదా ఒక 50,000 నష్టపోవచ్చు, అంతేకానీ జీవితం నష్టం కాదు కదా.

కానీ గృహం విషయంలో పరిస్థితి భిన్నంగా ఉంటుంది. గృహాన్ని కొనుగోలు చేసే సమయంలో లేదా నిర్మించే సమయంలో జరిగిన చిన్న పొరపాట్లు కూడా కొన్నిసార్లు గృహస్థుల జీవితంపై దీర్ఘకాలిక ప్రభావాన్ని చూపే అవకాశం ఉంటుంది.

అందువల్ల ఒక సెకండ్ హ్యాండ్ కారు లేదా ఒక మొబైల్ ఫోన్ కొనుగోలు చేసే సమయంలో తీసుకునే జాగ్రత్తల కంటే, గృహాన్ని ఎంపిక చేసుకునే సమయంలో మరింత శ్రద్ధ మరియు వివేకంతో వ్యవహరించడం అవసరం. సరైన పరిశీలనతో తీసుకున్న నిర్ణయం భవిష్యత్తులో అనేక సమస్యలను నివారించడంలో తోడ్పడుతుంది.

- : దాతల సమాచారం : -

ఎంతోమంది గృహస్థులకు తమకు జన్మనిచ్చి, ఉన్నతంగా తీర్చిదిద్దిన తమ తల్లిదండ్రుల పేర్లను లేదా తమ పెద్దల పేర్లను చిరస్థాయిగా ఈ సమాజంలో నిలిచిపోయెందుకు భారీ ప్రయత్నాలు చేస్తుంటారు. ఇది చాలా మంచి పరిణామము, మరియు వీరి ఆలోచన అద్భుతం, అపూర్వ సృజనాత్మకత. ఒక వేళ మీకంటూ ఇటువంటి ఆలోచన ఉన్నట్లయితే మీ లోకల్ లాంగ్వేజ్ లో వెబ్సైట్ తయారవుతున్నది. మీరు మీ పెద్దల పేర్లను చిరస్థాయిగా ఈ సమాజంలో నిలిపి ఉంచడానికి, వారి పేర్లు, పేర్లతో పాటుగా చిత్రపటములను కూడా ముద్రిస్తాము. ఈ వెబ్సైటు ఉన్నంతకాలం మీ పేరు, లేదా మీ తల్లితండ్రుల పేర్లు చిరస్థాయిగా నిలిచిపోతాయి. మొత్తం వెబ్ సైట్ అంతయు మీరు స్పాన్సర్ చేయవచ్చు. లేదా ఒక ప్రత్యేకమైన పేజీ ను స్పాన్సర్ చేయవచ్చు. సింగల్ టైం పేమెంట్ మాత్రమే. ప్రతి సంవత్సరం కట్టాల్సిన అవసరం ఉండదు. ఒకవేళ మీకు స్పాన్సర్ చేయాలని అనిపిస్తే ఈ లింకు ద్వారా మమ్మల్ని సంప్రదించవచ్చు, తదుపరి మిగిలిన సమాచారంను అందజేయగలము. https://www.subhavaastu.com/contact-us.html

- : SPONSORSHIP : -

Many residents are committed to honoring the names of their parents, grandparents, or elders, with the aim of keeping their legacy vibrant in their respective societies. This admirable effort is truly heartening. If you feel a connection to this endeavor, our website, thoughtfully crafted in your native language, offers a supportive platform while deeply respecting your sentiments. We are dedicated to helping you ensure that the names of your loved ones are remembered with respect and fondness. You have the option to sponsor either the entire website or a specific page, all with a single payment, freeing you from the concern of annual fees. In doing so, the names of those dear to you will be cherished and celebrated for as long as our website continues to exist. If you’re interested in this meaningful tribute, please contact us for more information.